林鄭稱「疫苗通行證」與強迫打針有別：唔打就要接受後果
【獨媒報導】行政長官林鄭月娥今緊接疫情記者會，交代一系列防疫措施，包括於2月24日大幅度擴展「疫苗通行證」，即不打針不可進入指定處所。有記者質疑做法如強迫人打針，林鄭否認說法，強調選擇不打針就要接受後果：「我哋大幅度引進『疫苗通行證』唔等於強迫人打針，不過會令到唔打針嘅人係少咗啲選擇，係有好明顯嘅分別嘅。我記得有人都講過，如果人係要有一個選擇，你都要接受有個後果。The consequence follows the choice. 」
林鄭續稱：「你唔係因為醫療理由喎，你係選擇喺個咁嘅疫情之下，為咗公眾利益，你唔打針，咁你咪要接受一啲嘅後果囉，就係你有好多地方去唔到嘞。呢個同我哋強制用法例迫人打針仲係有個好大分別。咁我希望繼續用呢個方法鼓勵更加多人打針。」
林鄭表示，提升疫苗接種率是出路，並指要為「疫苗氣泡」正名作「疫苗通行證」，「因為氣泡會引起好多唔同理解」。政府亦將修訂第599F章《預防及控制疾病 (規定及指示)(業務及處所) 規例》，擴大表列處所範圍。林鄭未有交代詳情，只稱「總之室內能夠做，今次都係要做」，直指做法是要提升未接種疫苗人士的意欲。
疫苗通行證可協助追蹤
被問及「安心出行」會否推行實名制，林鄭指今日推出的更新版「安心出行」，已內含新功能配合「疫苗通行證」，包括市民的疫苗紀錄及顯示市民是否為可豁免接種疫苗的人士。她強調「疫苗通行證」與「安心出行」實名制沒有關係，但認為疫苗接種紀錄比「安心出行」有更多個人資料，「第日如果真係唔好彩喺一個處所裡面發生一個感染，要去做追蹤嘅時候，不但透過『安心出行』啦，因為有疫苗接種紀錄，咁嗰個處所可以提供返客人疫苗接種紀錄幫助追蹤工作」。
被問連任意向 林稱：冇諗過其他嘢
選管會今日公佈特首選舉提名期，被問及爭取連任的意向，林鄭稱：「我每一天都喺度抗疫，暫時冇諗過其他嘢，每一日都係需要抗疫。」
另外，有傳林鄭月娥將撤任曾出席洪為民百人生日宴的民政事務局局長徐英偉，林鄭在記者會上表明，不會評論任何揣測性報導。記者之後現時追問調查進度，林鄭指將會爭取在農曆新年前一併交代，不可以個別交代，又指農曆新年的最後工作天為下星期一，仍以此為工作目標。