逸葵樓居民呻似《魷魚遊戲》：（居民）一個一個咁俾人車走咗
（獨媒報導）葵涌邨逸葵樓被圍封七日，今早7時正式解封，住戶陸續落樓。有市民形容解封有如「出冊」，感到開心，另有住戶形容過去一周猶如Netflix劇集《魷魚遊戲》，「冇得走呀，（居民）一個一個咁俾人車走咗」，多名居民亦指安排欠妥，望能在日後改善。
自1月21日起被圍封的葵涌邨逸葵樓，圍封一週後今早解封，當局表示，期間共進行14,518人次檢測，發現139宗陽性個案。逸葵樓原定只圍封五日，但及後延長多兩日至今早「如期」解封。
多名居民陸續離開，住戶吳先生形容過去一星期猶如Netflix劇集《魷魚遊戲》，「冇得走呀，（居民）一個一個咁俾人車走咗」認為政府資訊不夠流通，令住戶感到恐慌，「好驚好似拍戲咁樣，伊波拉病毒咁樣圍你條邨，好似內地咁樣」。他提到自己任職維修管理，目前正在放假，亦有定時向公司回報情況，暫不擔心被停薪。
居民吳先生
他稱病毒的危險性「聽講唔係好勁」，認為政府沒有考慮市民感受，「琴日（林鄭月娥）去記者會都係講佢自己幾叻，封咗幾多地方，幾快做到嘢，做到嘢係封人嘅地方，冇講我哋點樣」。吳先生又不滿配套安排，指獲發的食物難以下咽，「磚頭肉餅飯，冇汁嘅排骨飯咁囉，（食物）堆埋一堆」，物資亦用途不大，「唔係需要你嗰啲年糕，係需要你啲消毒用品」。他指圍封期間依賴街坊群組交換資訊，認為是靠住戶間互相支持及安慰才成功捱過。
住戶高小姐表示，「見啲case（確診個案）都好似有增加，真係以為出唔到嚟。」她同指安排不周，指自己茹素，故過去一星期「餐餐都冇飯食」，需依賴家中糧食渡過。檢測安排亦令她感覺「好似等確診咁」，每日輪候檢測時與大量住戶共處，染疫風險大增，認為應該一早安排分批落樓檢測。她雖然不認為病毒有太大威脅，但仍會在農曆新年期間減少外出，「我真係驚被隔離囉，隔離真係好恐怖。」
居民高小姐
居民在解封後仍需進行多次檢測，部份檢測改為深喉唾液樽。居民陳小姐同表示未收到檢測樽，亦不知遞交安排，「要我哋自己去其他診所交？定大堂會有收集箱收集居民嘅樽仔？都係未有安排，未有資訊」。至於檢測次數及日期，她表示，根據政府檢測公告，居民需在1月28日、29日及2月1日，但「佢（政府）個公告就成日出錯嘅，我就唔知係咪真啦！」
居民陳小姐
她亦指圍封安排欠佳，指運送確診者的升降機及後無人消毒，派發的物資亦不足夠，一眾住戶需要主動向葵興選區的區議員求助。她批評政府安排「超級混亂，超級差」，居民需透過街坊群組互助。陳小姐又主動向記者澄清，居民從未要求政府賠償，希望外界不要指控邨民為「刁民」的指控。她望政府可以以逸葵樓為借鏡，「喺其他圍封嘅樓宇可以改善咗佢」。
民建聯立法會議員陳恆鑌在場