髮型屋重開首日 速剪舖未開門已排長龍 有長者未能出示針卡無功而返

（獨媒報導）原訂停止運作至4月20日的髮型屋，今日起重開，但須全面實施「疫苗通行證」，顧客亦須使用「安心出行」。位於大圍站的速剪QB House在開店前，已出現近20人的人龍。惟不少人無法掃描針卡，需要職員協助，糾纏許久才能成功入內。亦有年邁市民因未能出示針卡，排隊半小時後未能剪頭髮，無功而返。

在開店前，一名員工教導其他員工如何協助顧客掃描針卡。

員工教導顧客掃描針卡

長者稱不了解疫苗通行證 以為髮型屋只重開一日

年過七旬的陳先生在開店前已排隊，等候半小時最後卻因未能出示針卡，無功而返。他稱不了解疫苗通行證的運作，「我年紀大呀嘛，唔識又冇人教我」，更一度以為另覓髮型屋即可進入。記者向他表示，需要展示針卡才能進入髮型屋，他則無奈表示只能回家拿針卡，「又要重新排過隊，有排排。」他指自己住在美田邨，需步行15分鐘回家，再折返大圍站剪頭髮。

陳先生

陳先生表示，自己平日要照顧孫兒，難抽空剪髮，加上髮型屋停業近一個月，笑言「幾個月冇剪到喇，鬢辮都得喇！」最後未能如願剪髮，他慨嘆十分無奈，又對朝令夕改的防疫政策一頭霧水，詢問記者「（髮型屋重開）淨係今日咋喎，係咪呀？」

市民斥停髮型屋不合理：真係做乞兒咩！

市民羅生則排隊近20分鐘。他同稱得知髮型屋突然重開後，馬上趕來剪頭髮：「唔知佢幾時一陣又停，咁你又冇得飛！你知佢日日唔同㗎嘛。」他笑言，髮型屋停業一個月，無可奈何下，自己本來打算「買個鏟返嚟自己鏟」，慶幸髮型屋及時重開，不需自己「郁手」。

他直斥當局關閉髮型屋兩個月不合理：「（髮型師）真係做乞兒咩！而家都好慘啦，成個癲佬咁。」他認為在剪髮過程中，髮型師及顧客雙方都佩戴口罩，風險不大。他又斥防疫政策變來變去：「佢（林鄭月娥）自己出嚟，自己唔知自己講咩。」但估計髮型屋應該不會再被關閉。

羅先生

市民等待速剪髮型屋開門