【獨媒報導】教育局原定最快在復活節假後復課，港大兒童及青少年科學系講座教授劉宇隆被問到安排是否合適，他回應指，長期停課已損害學童身心健康，「如果坊間話要打到九成（染疫接種率）先開學呢，我就唔同意嘅，好對唔住。因為你打咗針同無打針，其實都應該有返學嘅權利」。

劉宇隆提出心目中的「課室藍圖」：「冇打針嗰啲，就坐埋邊嘅位，開晒窗，打咗針嗰啲就近門口。冇打針嗰啲就一定要喺班房裡邊，唔能夠喺班房以外有活動。但打咗針嗰啲就可以喺班房以外有活動，包括音樂啦、體育啦，咁就可以控制某一個程度嘅風險。」

他再指，課室可以裝設抽風機，「最好風向係吹向無打針嗰啲，然後從窗口出去」，並強調「唔好等到打到九成先，否則到年中、年尾都無得開學」。對於有建議指不打針者在每日上學前先做快測，他稱不失為一個方案，「至於邊個畀錢就題外話啦，就唔係劉醫生決定」。

港大兒童及青少年科學系講座教授劉宇隆

兒科錄8宗死亡、26宗危殆　均無打針或只打一針

在第五波疫情下，公立醫院共錄得8宗死亡及26宗危殆個案，醫管局就兒科危殆及死亡個案成立的專家小組昨舉行講座，小組主席劉宇隆提到，一名三歲女童生前健康，染疫後腦部發炎，「成個腦腫得好交關，小腦都因為個壓力太大，推咗個腦落去頭髗下端」。他續指，一名11月大的染疫女嬰同因腦水腫而亡，「過往健康狀況良好嘅細路仔，竟然接二連三咁死，我真係好驚」。另外，一名14歲男童早前在醫院由高處墮下死亡，劉表示不確定他是否尋短，但指新冠病毒可令人出現幻聽及幻覺，形容其對中樞神經創傷很大。

劉宇隆續指，Omicron 會令患上二型糖尿病的風險大增四成。他提到，危殆個案中有一部分並無「病底」，「唔好以為我個細路仔健健康康就無事，好對唔住，係唔會」。

據統計指，八宗死亡中有四名合資格小童無打針，而26宗危殆中有12名合資格小童無打針。劉宇隆表示，因較早前才允許兒童打針，上述個案中無人已接種兩針。他續指，近日兒童接種率「企硬」在六成，令人非常擔心。

瑪嘉烈醫院兒童傳染病科顧問醫生關日華
瑪嘉烈醫院兒童傳染病科顧問醫生關日華

康復後數周可患炎症　如淋巴腫脹、全身出疹

瑪嘉烈醫院兒童傳染病科顧問醫生關日華則表示，新冠病毒可令兒童在康復後出現兒童多系統發炎綜合症，第二波時曾有一宗，為香港首例。他指，康復後二至五周為發病期，病徵包括持續發燒、全身出紅疹、淋巴腫脹、肺積水、心臟衰竭等。

關日華續指，本港自三月初起錄得13宗相關個案，已統計的11宗當中，七人沒有接種，四人曾接種，但在接種後4至6天內便已染疫，未有足夠抗體。他提到，11宗個案本身無長期病，而全球相關個案達1,900宗，英、美均有死亡案例，故再三呼籲家長帶小朋友打針。

有記者問到，康復後才接種能否預防炎症。關日華回應指，染疫小童的免疫反應比成年人更激烈可導致炎症，故須在染疫前接種才能預防；另有記者提到長者須打第四針，問小童須否打第四針，劉宇隆回應指，小童的免疫系統較成年人更強，故暫時維持三針。