會否見民主派政黨？李家超：可以用書面表達意見俾我哋
（獨媒報導）參選行政長官的李家超今日先後和10個團體及政黨見面，他在和民建聯舉行會議後見記者時，被問到會否同拜會民主派政黨「聽聽佢哋嘅意見」。李家超表示：「乜嘢嘅人呢，都會考慮去聽佢嘅意見，但實際嚟講呢，因為我哋時間亦都有限，我哋嘅聽意見方法呢，除咗係視頻會議、實體會議呢，仲可以用書面表達俾我哋，因為事實上好多意見，好多不同人士用書面係提供俾我哋。」
政綱著重乜？ 李家超：主流上面大家特別關心嘅事
有記者指，林鄭月娥在2017年參選時較著重教育，問李家超將會最重視甚麼範疇。李家超表示要先和其團隊討論，因收集了不同意見，認為市民應理解其由參選到競選的時間均較短，「涉及香港嘅有關嘅事情當然係好多方面，我會務實咁寫我嘅政綱，就係表示⋯⋯主流上面大家特別關心嘅事，同我會覺得喺⋯⋯有關方面我有啲嘢特別想講。」
揚言以「結果為目標」的李家超認為，現屆政府已推出不少特別措施，好的措施必然會繼續及保留，「我嘅目的就係將最大嘅價值創造出嚟，令到社會得益，所以呢⋯⋯喺某啲方面呢，我有自己嘅諗法呢，我就將會喺政綱嗰度反映出嚟。」
他強調，必須和團體研究及參考意見後，才撰寫政綱。有記者追問，李家超的政綱會否有政改的部分，他沒有正面回應，但表示屆時會交代。
李家超：民建聯地區工作很多
在見記者時，民建聯主席李慧琼、副主席陳勇和周浩鼎同陪伴在側。李家超表示，已和民建聯解釋其提出的三個方向，即施政以結果為目標、全面提升競爭力及奠定穩固基石，「佢哋聽完之後亦都係支持，同認同我呢個施政理念。」
此外，李家超讚揚民建聯的地區工作很多，感謝對方將市民的意見及感受反映予當局。他表示，如果成功當選，會提升和立法會內政黨間的互動和合作，以在愛國者治港下創造最大的價值和為港謀福祉。
李家超在前往民建聯總部途中，有多名市民取出電話和他合照，而早前辭任政務司司長政治助理的民建聯蕭嘉怡則一直陪伴在側，她在辭職後已加入李家超的競選辦公室出任義工。