西洋菜街22年izzue結業 中年顧客：係我哋呢啲年紀先買咋嘛
（獨媒報導）近年 I.T 疑因疫情出現財困，旗下鋪位亦相繼出現拖租和棄租情況，其位於旺角西洋菜街三層高的分店 izzue 亦將於明天（27日）結業。I.T 對外包裝為年輕人的潮流品牌，但有中年顧客認為 I.T 已與時代脫節：「係我哋呢啲年紀（快五十歲）先買咋嘛」；亦有市民考慮到政治立場因素而不再光顧。
中年客：I.T 價錢不合理、脫節
《獨媒》記者於今日下午二時許到該izzue 分店觀察，惟現場人流不多，僅約6名顧客在內。市民黃先生今日得知服裝店將結業，打算來閒逛「執平貨」但沒有收穫。黃先生認為 I.T 重點吸引內地客群，對商鋪結業不感意外：「邊個會買呀？宜家咩年代呀？」、係我哋呢啲年紀（快五十歲）先買咋嘛」。他認為 I.T 價錢與品質不成正比，指「諗住（結業）會平啲」，但就「啲嘢仲咁貴，冇誠意！」、「離地」，認為現時消費者選擇多，「買返日本牌子都冇咁貴」。
黃先生
黃先生又提到 I.T 在2019年社運時期的立場，但就認為店舖近年虧損與立場無關：「你（I.T）咩色都死㗎」，認為主要是價錢令人卻步。
年輕客：結業反映失香港人支持
izzue 在西洋菜街的鋪位座落已逾22年，有市民指到場僅為「懷念一下」。王先生指，因 I.T 政治立場與自己不同而一直沒有光顧，並稱「由細到大喺呢區行開，見佢就嚟執所以嚟懷念一下」。王先生亦提到自己從不光顧 I.T ，覺得「啲嘢唔抵」，加上政治立場令其對 I.T 失去興趣：「社會動盪時嗰老闆講嘅嘢好令我好不忿」。王先生認為，I.T 財困主要原因是因疫情沒有大陸客來港，令其失去主要客源，如今結業則反映店舖已失去香港人的支持。
常客照光顧：中意佢oversize
周先生
今日亦有支持 izzue 的顧客光顧。有情侶稱平常愛逛 izzue，指喜歡他們的設計「夠 oversize」、「幾有 style」、特價時「價錢又偏平」。周先生提到自己今天的上衣同樣來自 izzue ，認為西洋菜街的 izzue 「大間、多款」，對結業感到可惜，並會選擇到其他分店購買。
2019年 I.T 的老闆沈嘉偉被指出席時任警務處長鄧炳強的飯局而被網民杯葛；警方於2019年時曾經於西洋菜街一帶發射大量催淚彈。