中學幼稚園分階段復課學生斥每日快測麻煩無必要

（獨媒報導）全港幼稚園及中學今日起分階段恢復面授，教職員及學生同樣需要每日進行快速檢測。有學生擔心復課首日就遲到，選擇提早1小時起床做快測；亦有中一學生對剛入學就遇上停課感到無奈，故不介意諸多防疫限制，「返到嚟已經好好㗎喇我覺得」；亦有學生斥每日快測麻煩又無必要，認為很多港人已中招，「中咗都唔會再中，做（快測）嚟做咩？」

學生憂遲到提早一小時起床快測

就讀大角嘴聖芳濟書院，中一的張同學表示對復課感興奮，認為在家學習會影響課堂表現，「坐喺度唔知喺度做咩。」住在油麻地的他表示，首日復課擔心遲到，故提早1小時起床進行快速測試，「坐喺度等結果」，但他直言即使確診個案減少，亦有需要每日快測，以免在學校出現爆發。他又擔心之後再停課，但只能「面對現實，都冇辦法。」

張同學

同為中一學生的魏同學亦表示很開心能夠復課。他自言入讀中學不久，尚未適應校園生活就遇上停課，「好多活動又取消晒」，故感到悶悶不樂。曾在三個月內確診的他暫不需要每日進行快測，但他直言，即使回校後防疫限制多亦不介意，「返到嚟（學校）已經好好㗎喇」。

魏同學

學生斥快測為「交功課」

就讀大角嘴聖芳濟書院，中五的程同學指，自己今早5點半已經要起床，作息突然改變，身體暫時未能適應。他又透露，自己昨晚已完成快測及拍攝結果，今早便不用特地提早起床。被問及提早一晚做快測會否影響結果，他則直言「我理得佢準唔準，都係為咗交功課啫。」

程同學

他又直斥每日進行快測十分麻煩，而且全港已有大量人中招，根本不需要再進行有關安排，「中咗都唔會再中，做（快測）嚟做咩？」根據教育局指引，教職員及學生在康復後三個月內，不受快速測試安排影響。曾確診的程同學直言不清楚有關安排，「好似冇講過話咩中咗就唔洗做。」

K3女兒終能回復校園生活：戥佢開心

范小姐帶同6歲女兒Amma，提早在深培中英文幼稚園外排隊等開門。她表示，小朋友終於能夠回復正常校園生活，「可以體驗到好多唔同嘢，戥佢開心」；又笑言女兒得知可以回校上課，馬上對她說「媽咪我好開心呀，終於都返學喇！」在旁與朋友打鬧的Amma對記者表示，「好耐冇見過老師同同學仔」、「（琴晚係咪已經好興奮？）係呀！」

范小姐及女兒Amma

范小姐表示，今早起床時間與平日無異，進行快速測試亦不會花費太多時間，又認為即使確診數字下跌，有關安排仍有需要：「為咗自己同同學仔安全。」對於小朋友會否抗拒進行快測，她則指早已習慣，「以前（疫情高峰期）都會一個星期全家做一次，平時都有做開」。