唐英年祝願西九故宮開幕：到時最好烏雲滿天，咁就客似雲來

（獨媒報導）香港故宮文化博物館將於七月開幕﹐行政長官林鄭月娥、西九文化區管理局董事局主席唐英年及香港賽馬會主席陳南祿等人下午出席館內演講廳命名儀式。其中唐英年在致辭時祝願博物館開幕後人流日增，並稱：「到時最好呢就烏雲滿天，咁我相信就一定會客似雲來啦！」台下先傳來零碎笑聲，及後才報以掌聲。

唐英年

故宮文化博物館今日為館交專用學習空間「故宮學堂」的演講廳命名為「香港賽馬會演講廳」舉行儀式，民政事務局署理局長陳積志、香港故宮文化博物館主席陳智思等人亦有到場主禮。

唐英年：全靠Carrie 堅持夢想

唐英年致辭時感謝行政長官林鄭構思及推動計劃，稱她令香港市民「好夢成真」：「全靠Carrie 堅持呢個夢想，先至有今日嘅香港故宮文化博物館」。他續指，香港是國家文化藝術發展的橋樑，認為香港故宮令西九文化區「如虎添翼」。

在最後亮燈命名儀式時，主持人邀請嘉賓用手啟動台上「㩒掣」亮燈，惟唐英年「亮燈失敗」，需待主持人「提示」「就真係要㩒落去嘅！」才成功。

林鄭讚項目無超支 剩逾2億營運費

香港故宮文化博物館由時任政務司司長的林鄭一手策劃，並由馬會捐款35億繞過立法會撥款興建，亦在沒有招標下委聘建築師嚴迅奇擔任設計顧問，被揭發「偷步」展開博物館設計工作，被批黑箱作業。

林鄭月娥

下月離任的林鄭月娥致辭時提到，自她任社會福利署署長起，「隨著我喺政府嘅職位愈做愈高，我對馬會捐贈嘅要求都愈嚟愈大」，感謝馬會斥資35億興建博物館，又稱「相信都係對本人嘅支持」。她更稱讚項目「冇超支」，仍餘下2億6千萬作為西九故宮日後營運經費。她最後又特別提到，希望馬會繼續「有求必應」，為下屆特區政府提供協助。

林鄭又稱西九故宮是慶祝香港回歸中國20周年的「禮物」，稱自己看到故宮能趕在回歸25周年前完成感到「非常之興奮」，指故宮會「以香港所長，服務國家所需」。

陳南祿：首都以外國家瑰寶

香港賽馬會主席陳南祿致辭時則指，香港故宮為馬會史上最大筆的單一捐款，感嘆博物館在五年間迅速落成，「今日已經喺咁靚、咁有品味嘅演講廳舉行呢個儀式，呢個肯定係得到最高指示，一定要依期、依預算完成呢個項目」。他又形容西九故宮為「一個明信片嘅項目」，「我亦都諗唔到世界有咩地方，可以喺首都以外睇到國家瑰寶」，認為屬中央對香港的重視。

香港賽馬會主席陳南祿