（獨媒報導）本港日前實施「0+3」檢疫措施，有飲食業界憂慮港人離境外遊，對餐飲業旺季生意有影響。自由黨飲食界立法會議員張宇人昨日拍片，不點名批評「我哋有個扮飲食業嘅業界代表，居然話呢個0+3係會影響到我哋飲食業嘅生意」，斥業方「噏得出就噏」：「我呢個廿幾年嚟嘅飲食業代表，只此一個，可以話俾你聽，我完全唔認同。」

在影片中，張宇人表示歡迎由「3+4」改為「0+3」，對於有聲音質疑未有直接「0+0」，他就表示：「大家要明白特首宜家嘅做法係唔想走回頭路，咁所以行前一步係唔好一大步，或者係一步到位，我係認同嘅。」張宇人又批評，有人扮業界代表，質疑當局「0+3」措施對飲食業有影響，「呢啲無科學根據，無數據，噏得出就噏嘅言論」。

至於張宇人口中的「扮飲食業嘅業界代表」，劍指何人？在近日的傳媒報道中，稻苗飲食專業學會主席徐汶緯、榮譽會長黃傑龍，香港餐飲聯業協會會長黃家和、香港餐務管理協會主席梁振華均曾就新檢疫措施、業界情況接受訪問。

黃傑龍：幾肯定並非自己 相信很快實施「0+0」

黃傑龍今早在電台回應稱，「幾肯定」張宇人並非批評自己。他表示，即使是自己亦不介意，「佢係長輩比長輩鬧好平常。」他提到，「如果俾佢鬧吓就有生意，我日日俾佢鬧都冇所謂。 」

另外，黃傑龍同相信，當局很快便會實施「0+0」，個人期望在兩個星期內。他認為，「講聖誕節市道幾差幾差，事實上亦冇必要」，現時應聚焦討論簡化或減少本地防疫措施，包括口罩令。

張宇人：「扮代表」屬其他界別選委

張宇人其後接受報章查詢時表示，該名「扮代表」只登記作其他界別的選委，卻未曾登記成為飲食業選委。翻查資料，香港餐飲聯業協會會長黃家和為工業界（第二）界別的選委。

最後張宇人重申，在新措施下的入境人士不一定會少於離港人士，及港人即使在離境旅遊後，回港後亦不會「無錢食嘢」，加上在展覽及會議帶動下，整體經濟必然好轉，「一定滲落去唔同行業，包括飲食業。」

不過，張宇人建議政府可對宴會每8人一枱，全場上限120人作鬆綁，調整每12人一枱，全場上限240人，因為第四季屬婚姻、公司宴會旺季。