前民陣召集人陳皓桓出獄 引《聖馬力諾之心》與港人互勉

（獨媒報導）前民陣召集人社民連陳皓桓今早刑滿出獄，他曾因2019年至2020年的五宗遊行或集會案，合共被判囚22個月。陳在離開石壁監獄後，到東涌會合親友。他向記者提到，在獄中對民陣解散感到遺憾，但盼市民繼續發聲「而家個社會轉變咗，我哋唔可以再靠單一嘅組織去發聲、靠單一個人去發聲，覺得有咩唔公義、唔公平嘅，無論自己屋邨又好、學校又好、去到邊度都應該要發聲」，他又引用Dear Jane的歌曲《聖馬力諾之心》與港人互勉。

憶離世父親泛淚光 感謝親友支持

陳皓桓今早離開石壁監獄，社民連前主席黃浩銘前往「接放學」，並一同到東涌見親友及記者。社民連主席陳寶瑩、曾健成、民主黨劉慧卿、工黨何秀蘭等人在場迎接，並逐一與陳擁抱。

陳皓桓首先感謝寫信、探監和送車的朋友，「永遠唔會忘記啲人送車嘅畫面，真係好感動」。陳再特意感謝家人支持，眼泛淚光提到父親在數個月前離世，在獄中未能見到爸爸在醫院離世一刻，只能出席喪禮，「我每一日都有回憶住，自己爸爸嚟到法庭睇我嘅時候，要人扶住佢去見我，冇得再同佢去講啦⋯⋯多謝我阿爸」。

社民連主席陳寶瑩

社運人士古思堯

稱「非常非常非常唔想移民」

陳續指，自己不會刻意違法，但強調應在心中堅持信念，「我都希望香港人唔好驚咗發聲、驚咗爭取應有嘅嘢，譬如全民退休保障、標準工時」。

民陣在陳皓桓身在獄中時解散，他對此感到可惜和遺憾，指在獄中也有對解散聲明給予意見，而民陣已將所有資產按章捐予慈善機構，「而家個社會轉變咗，我哋唔可以再靠單一嘅組織去發聲、靠單一個人去發聲，覺得有咩唔公義、唔公平嘅，無論自己屋邨又好、學校又好、去，都應該要發聲」。

陳皓桓又笑道，未來一定會先去旅行，但指在五年內不會離開香港，「我宜家係非常非常非常之唔想移民」。他最後稱希望以Dear Jane的歌曲《聖馬力諾之心》與港人互勉。

今年26歳的陳皓桓自2018年起擔任民陣副召集人，至2020年10月起從社民連岑子杰手中接棒，擔任召集人。他涉及被指控的社會運動事件包括2019年的9.15港島遊行、10.1遊行、10.20九龍遊行，以及2020年的六四集會及七一遊行，分別被判囚3個月至18個月不等，總刑期合共22個月，並在去年5月底開始服刑。