理文十球血洗香港U23 再平港超聯最大比數紀錄
【獨媒報導】港超聯今周重燃戰火，理文主場在將軍澳運動場淨勝十球，血洗香港U23，以10:0再次平了港超聯最大比數紀錄。理文全場攻勢「多不勝數」，洛迪古斯更個人射入五球，成為今場最佳球員。香港U23助教冼家裕賽後稱，希望年輕球員透過比賽成長，「呢個其實係球會嘅宗旨嚟嘅。年輕人仲有機會踢波，可以透過訓練、比賽令到佢哋有進步嘅空間。」
袁皓俊今季首任理文正選 加維蘭、艾華頓退居後備
理文今場有袁皓俊任正選守門員，這是他今季首次正選上場，39歲的列斯奧同為正選，洛迪古斯、亞哥斯達、中村祐人、基華尼頓及鄭兆均在前線攻堅，加維蘭、艾華頓退居後備，黃威有傷在身，未有進入大軍名單。
香港U23今場的陣容變動不大，三名超齡球員為黃浩然、張俊軒及郭子堦，陳嘉宝任單箭頭。開賽5分鐘，列斯奧左路發難，傳予基華尼頓，後者再送立花稜也。在禁區內，立花稜也無人壓迫下左腳抽射入網，為理文先開紀錄。
上半場「大屠殺」 龐焯熙犯錯成致命傷
理文在上半場中段加強攻勢，更上演「大屠殺」。21分鐘，基華尼頓左路爆破，鄭兆均接應傳送起腳，龐焯熙撲出。22分鐘，基華尼頓傳中，已殺入禁區的徐宏傑送遠柱，但無人接應漏出底線。
24分鐘，基華尼頓左路推順「中距離」起腳勁射，皮球應聲入網，理文領先到2:0。26分鐘，鄭兆均送直線，徐宏傑推過黎皚韜，邊走邊傳地波，洛迪古斯轉身轟射掛網，理文贏到第三球。
29分鐘，龐焯熙開龍門球，他「正向」將球交給黎皚韜，遭亞哥斯達截劫，傳予基華尼頓一射又入網，理文將距離拉開至四球。36分鐘，郭子堦控失，基華尼頓迫得皮球，殺入禁區交予無人看管的洛迪古斯，「洛9」右腳埋門又得手，禁區內當時有四名香港U23後衛，理文贏到5:0。
半場輸六球 球迷點名林樂賢「唔好再耷低個頭」
香港U23在輸到第五球時，有球迷在觀眾席上大喊鼓勵：「一球一球追返佢，唔好輸咗道氣，唔好俾人睇少。」他更點名林樂賢「唔好再耷低個頭」；暫代主教練的冼家裕亦鼓勵球員「硬淨啲」。理文得勢不饒人，39分鐘，立花稜也壓到底線，洛迪古斯右腳腳內檔篤入，個人連中三元，理文半場領先「半打」。
下半場換邊後，香港U23有羅曉聰入替張俊軒，理文則有余煒廉入替列斯奧。46分鐘，迪高後場傳送，洛迪古斯接應來球，突破越位陷阱，輕鬆完成大四喜，香港U23兩名守將黃浩然、梁煒烽「得個睇字」。
57分鐘，龐焯熙開龍門球又出事，洛迪古斯「兜口兜面」迫甩皮球，左腳快射成8:0。58分鐘，理文「精銳盡出」，由加維蘭、艾華頓入替洛迪古斯、基華尼頓。60分鐘，香港U23有袁世傑、黎培基後備登場。
72分鐘，後備上陣、39肯的李康廉接應推順一射亦「整返粒」，梁煒烽看到對方施射後才出腳已太遲，9:0。74分鐘，艾華頓傳送「劏穿」黃浩然、梁煒烽，加維蘭水到渠成邊走邊射，理文10:0 香港U23。
司徒文俊因病缺席 冼家裕：好多都係自己嘅犯錯
傑志上月在港超聯同曾以10:0 大勝深水埗，首次平了由該隊保持的最大比數紀錄，理文今場再平紀錄。另外，今場為今季第九場港超聯賽事，共錄得35個入球。
另外，今場入場人數為413人，理文主教練陳曉明今場續停賽，他和同要坐波監的顏樂楓坐在球場貴賓席上，場內由曾昭達督師。
香港U23主教練司徒文俊同未有現場領軍，球隊指他生病，但有透過電話作講解。賽後由助教冼家裕見記者，他認為，年青球員的個人技巧、心理壓力一定較差，「佢哋好多都係自己嘅犯錯」。他承認，球員在執行戰術時犯錯，及受心理影響，希望能透過比賽成長，「呢個其實係球會嘅宗旨嚟嘅。年輕人仲有機會踢波，可以透過訓練、比賽令到佢哋有進步嘅空間。」
繼續後防組織？ 教練稱從挫敗中成長
《獨媒》問到，香港U23在後防組織，傳控期間犯錯，日後會否改變踢法。冼家裕就表示，要視乎對方的情況而「作出控球」，「假如年青人，人哋都唔迫我哋，都唔用個波，咁嘅情況，永遠得唔到進步。就係宜家當人哋唔逼，我哋自己都用波都用唔到，就係我哋個人球員嘅能力。」他重申，希望球員能在比賽中吸收經驗，從挫敗中成長。
曾昭達稱大勝對士氣有正面影響
曾昭達指出，今場大勝對球隊士氣有正面影響。今季兩度出現10:0的比數，對於比數懸殊，曾昭達就不認同，表示「球場每場波都唔同，亦都冇話實力懸殊，係有分別！慢慢地等啲年青球員成長，或者比較冇經驗嘅球員踢得多，可能會慢慢拉得近。」洛迪古斯則表示，首次在職業生涯的比賽攻入五球，對此感到高興。
記者：麥馬高、周頌謙