林鄭卸任首受訪指修例仍然正確 獲林兆波支持「基本上就係不說話」
【獨媒報導】前行政長官林鄭月娥卸任後首次接受訪問，她在內地傳媒的訪問中表示，重提2019年《逃犯條例》修訂引發的風波，強調修例仍然正確，指家人當時受到很大壓力，包括兒子遭人身攻擊，感謝獲中央信任、家人支持。至於丈夫林兆波，林鄭就表示二人間，「基本上就係不說話，支持係唔需要說話嘅，（我哋）去到一個境界係唔需要說話嘅，總之就喺你身邊。」
林鄭月娥接受內地媒體《南方網》訪問，訪問在位於金鐘太古廣場的前任行政長官辦公室進行，訪問長達一小時。她指兩名兒子在反修例風波期間，在學校內遭到人身攻擊：「我嘅家人係不單止有無形壓力，有形嘅壓力。小朋友喺學校會受到不明是非嘅人，對佢哋嘅人身攻擊。」
失敗告終歸咎《國安法》未立法 及外部勢力干預香港
在2019年，林鄭月娥推行《逃犯條例》修訂，引發軒然大波，200萬港人上街抗議，特區政府最後宣布暫緩修例，指「The bill is dead」。中央「止暴制亂」，並就《港區國安法》立法，及「完善選舉制度」，落實愛國者治港。
然而三年過去，林鄭重申，相信當日提出修例以履行國際義務，及防止香港成為逃犯天堂，「仍然係正確嘅，不過喺呢個時間，喺呢個嘅因素之下，就會爆發出呢一場嘅風暴。」對於修例失敗告終，她歸咎特區仍未就《國安法》立法，國民教育亦沒做好，加上有外部勢力干預香港。
修例風波成為特區回歸後最大規模的社會動盪，林鄭就表示，全賴中央的支持，才能令自己堅定地走下去，包括：「話畀你聽你唔使驚，中央永遠都係香港最堅強嘅後盾。關懷！關懷⋯⋯到問我會唔會失眠，其實係無嘅。」
林鄭指家人「唔知自己做緊咩」 感恩獲信任
在修例風波最熾熱期間，有傳林鄭對中央提出請辭，她最後亦完成五年任期。林鄭便再次提到，自己是講信用的人，稱在2017年7月1日的上任演辭中，曾引述歌曲《同舟之情》歌詞，「你都會經歷風浪嘅，但唔緊要，只要有我喺你身旁，會為你護航，咁所以你唔可以走咗去㗎嘛！」
她亦特別感謝家人支持：「因為佢哋其實唔知我做緊咩，佢哋真係唔知、無興趣，佢哋全部都係喺學術研究嗰方面嘅領域，無興趣政治，亦都唔知道是是非非。但當你信任一個人，因為你同佢一齊生活，你知道呢個人嘅出發點啦，佢嘅初心啦，佢嘅原則，你就唔會質疑，你就係信一個人就係信一個人。」
希望「做返一個普通人」 稱享受到街市買餸
在今年7月「退休」的林鄭月娥，她在開場中再次以勤力自居，稱42年公務生涯從不間斷地工作，「無停過話去放假一年」，目前已習慣卸任後的生活，「有另一個角色等住我去進入，呢個就係家庭主婦，我好希望做返一個普通人，做返我丈夫嘅太太啦，我兩個仔嘅媽媽。」
此外，林鄭早前到街市買餸，被市民拍下照片，她在訪談中稱家庭主婦自然要煮飯，所以特別喜歡到街市購買肉類及蔬果，「呢幾個月嚟都好享受呢一種嘅生活。」
曾努力Connect 指「同行」需具「一國兩制」基礎
在訪問中，林鄭重提五年任期內的工作，指在任期間為香港回歸以來最多挑戰，「係非常之不平凡嘅五年」，指立法會當地未有「愛國者治港」的情況下，更是非常艱巨。
林鄭在競選的時候提出「同行」、「We connect」，但未能成功落實。她辯指上任後已盡最大努力，與政府意見不一致的政黨、組織嘗試聯繫、交流及溝通，但認識到「同行」需要具有「一國兩制」的基礎，稱帶領香港「好深度咁去經過咗探索嘅過程」令一國兩制得以完善。她最後強調，在《港區國安法》立法，及落實「愛國者治港」後，香港遠較之前穩固。
冀對台灣宣傳一國兩制 盼回國內重點大學講課
國家主席習近平在今年6月30日訪港，林鄭獲對方會見，希望她能繼續為香港和國家的發展作出貢獻。林鄭自言，曾在最前線經歷了一國兩制最艱難的階段，對如何實踐有進一步體會，希望不但對香港市民，亦兩對內地、台灣人民作宣傳。
前行政長官董建華、梁振英在卸任後均出任全國政協副主席，外界關注林鄭的去向。林鄭表示：「我唔需要咩新嘅崗位，但係呢我都好希望能夠有呢個機會，喺我哋國家嘅重點大學裡面講一國兩制。以後我嘅時間多咗咁多，橫掂我都係遊覽國家嘅名山大川，咁我就順便可以去講課。」