盧寵茂籲市民勿再看「0+幾」：精準啲睇每一項政策仲好

（獨媒報導）入境檢疫措施自9月底實施「0+3」後，一直未有進一步放寬，特首李家超日前稱「唔會去刻意去形容我哋係0＋幾多。」醫務衞生局局長盧寵茂接受電視訪問表示，不應再糾纏於數字：「其實大家唔好再繼續講數字，有時覺得自己都有少少俾人講到好低智咁樣」，現階段對入境旅客的核酸安排不能取消。又認爲最重要是精準抗疫：「精準啲睇我哋每一項政策仲好。」

節目截圖

指不應再糾纏數字 「覺得自己都有少少俾人講到好低智」

外界關注何時放寬至「0+0」，但近日有建制派議員呼籲不要再糾纏於「0+0」，形容只是一串數字；行政長官李家超上周亦表示不會再討論「0+多少」。醫衞局長盧寵茂周六（19日）接受Now新聞《大鳴大放》訪問時稱，「我哋一定要明白，我啲嘅敵人係個病毒」，當局因病毒變異而調整防疫政策，包括取消熔斷機制及酒店檢疫，「雖然宜家有個『3』字喺度，其實已經冇任何檢疫安排，你係可以出街。」

有旅遊業界表示在沒有任何防疫限制之下，旅遊業才會完全復甦，但盧寵茂就認爲「0+3」不單便利港人出遊，「我哋睇到外地嚟嘅旅客，都真係大幅增加」，兩個月内外地入境旅客上升4倍。至於能否再放寬，他指人人對「0+0」的定義不一，不應再糾纏於數字，「其實大家唔好再繼續講數字，有時覺得自己都有少少俾人講到好低智咁樣，點解你連『0+3』、『0+0』呢啲數字都計唔清呢？」

籲市民「精準啲睇每一項政策仲好」

他重申，世界衞生組織指新冠大流行仍未結束，檢測仍然重要，「唔做你可以話我唔知，但呢個係鴕鳥，你咪埋隻眼，病毒嚟到你都唔知。」他相信，入境旅客核酸檢測要求將在冬季維持，而口罩令同樣不會取消，「大家唔好糾纏數字度，反而精準啲睇我哋每一項政策仲好。」

被問到月初出席國際金融領袖投資峰會的來賓獲豁免部分防疫要求，當局會否考慮推展安排，盧寵茂稱有考慮，但認爲獲豁免人數不多，但現時每日入境人數已超過13,000人，「二百幾人嘅峰會同萬人係有分別」，重申將按數據評估。

節目截圖

研強制醫護留公院 盧指不會「一刀切」統一年期要求

新一份《施政報告》提出研究強制醫護在公立醫院服務一定年期，相關要求適用於所有職系的醫護，引起業界熱議。曾稱不擔心措施造成反效果，反指對醫護而言是培訓機會的盧寵茂重申，公營醫療是醫療基石，「我哋唔好唔記得，公營醫療照顧咗我哋九成病人，特別係一啲勞苦大眾，係冇能力去私家。」

他表示，疫情增加公營醫療系統壓力，面對公立醫院人手持續流失問題，提出的措施已考慮多方面因素。至於年期要求，他稱不同部門人手短缺的情況及培訓需時不同，故不會「一刀切」統一。