【港超聯】冠忠南區多踢一人贏深水埗 史提芬彭利拿連中三元
【獨媒報導】世界盃進行得如火如荼，本地波則不停步。港超聯下午在香港仔運動場上演地區打吡，深水埗守門員王子聰下半場紅牌被罰離場，冠忠南區在多踢一人的情況下，最終以三球淨勝對手，巴西前鋒史提芬彭利拿包辦三個入球。
深水埗今場由王子聰把守最後一關，陳灝、奧恩博、劉浩霖領銜進攻，史提芬、陳靜謙及黎格爾任中堅，球隊後備席僅得8人，屠俊翹、泰亞高及諸榮祖等均不在名單。冠忠南區則盡用外援名額，杜度、基斯、史提芬彭利拿、佐佐木周及艾華均正選上陣。
上半場已出現一面倒的情況，冠忠南區尤如練習進攻。3分鐘，艾華右路殺入禁區，交予史提芬彭利拿，後者起腳射中柱。9分鐘，謝朗軒擲界外球，史提芬彭利拿在背對龍門下，力壓陳靜謙半車身射入，王子聰零反應，只能目送皮球入網，冠忠南區領先1:0。
王子聰拉跌艾華領紅 鄔智銘臨危受命
在失球後，當冠忠南區進攻時，深水埗幾乎全軍退守，屯兵在中後場，深水埗主教練郭嘉諾顯得勞氣，在場邊不斷提場教路，大叫「run」、「迫啦迫啦迫上去啦」。33分鐘，艾華把握防守角球後反擊，傳予禁區內的謝朗軒，謝朗軒在無人看管下射出界。
下半場換邊後，深水埗嘗試組織攻勢，惟未能威脅冠忠南區。59分鐘，黎格爾禁區頂出波，接應的陳灝未能頂中目標。62分鐘，艾華單刀殺到禁區外，王子聰出迎時撲跌對方，球證譚炳煥出示紅牌。
深水埗打少一個下收起奧恩博，後備守門員鄔智銘臨危受命，史提芬彭利拿操刀罰球入網，鄔智銘亦只能呆望。「肥彭」個人梅開二度，冠忠南區贏到兩球。79分鐘，史提芬彭利拿在右路承接反擊，在禁區輕鬆篤入，連中三元。
入場人數受世界盃影響 鄭兆聰：教成人班無人嚟
今場入場人數為269人，港隊主教練安達臣繼續入場睇波。在比賽後，冠忠南區主教練鄭兆聰就表示，球隊仍有進步空間，認為下半場發揮較佳。
對於入場人數略為減少，本身是足球評述員的鄭兆聰就對《獨媒》表示，「我自己嗰啲教波，有時夜晚幫手去成人班都無人嚟，呢兩個禮拜無咗一半，咁正路呀。啲人可能大家留返食飯，happy吓，睇吓波無問題嘅，都係足球！」
深水埗主教練郭嘉諾則認為，球隊今場踢得好，在後場的搓傳不俗，認為能發揮原定部署，至踢少一人才陷於劣勢。深水埗連續三場有球員領紅，郭嘉諾指球員的個人失誤所致，因為缺乏經驗，「呢啲嘅教訓都好嘅，都對佢哋嚟講係好慘痛嘅教訓。」
深水埗或要湊錢增兵 郭嘉諾：財政係好大嘅問題
被問到後備席球員數目較少，郭嘉諾就稱球隊受傷病困擾，「Remi（杜國榆）病呀，佢話想頂，但頂到連球場都嚟唔到。」他指球員傷病數目上升，但責任則增加，「佢哋係時候成長，人越大責任越大。當數人少咗，佢哋責任大啲，落場時候表現就要交到。」郭嘉諾又重申，縱使不敵冠忠南區，但認為球員今場能昂首離開球場，「最緊要球隊見到係有未來」。
《獨媒》問到深水埗在1月的增兵部署，郭嘉諾稱「積極搵緊」，承認球隊財政對自己來說「係好大嘅問題」：「我哋就算加都可能加得唔多，可能一至兩個，『頂籠』就兩個，仲要好辛苦咁樣湊呢筆錢出嚟，搵唔搵到都未知。」他表示傾向尋找外援後防球員，「本地無咩人揀㗎啦⋯外籍就搵啲好低budget。」
記者：麥馬高、周頌謙