（獨媒報導）港府昨日宣佈取消多項防疫措施，只保留口罩令。實政圓桌立法會議員田北辰在電台節目中表明反對取消疫苗通行證，認為現時疫情高企，憂慮下月與內地通關後加劇疫情，加重本地公立醫院負荷。他更點名批評醫務衞生局局長盧寵茂「打倒昨日的我」，指他無視現時長者住院及重症情況，「佢以後講嘢仲有冇人信佢？」

田北辰：內地人應打齊針才可來港

田北辰今早接受港台《千禧年代》訪問，他甫開始便自爆身在東京，形容政府今次的決定是與時並進，但唯一反對的是取消疫苗通行證。他解釋，現時60歲以上人士已接種三針的比率不足八成，住院人數超過5,000人，擔心下月與內地通關後爆疫，加重公營醫療壓力，「佢完全冇講，通關之後南下嘅同胞洗唔洗打齊針呀？如果佢哋又唔洗打齊針，又去食肆，咁到時點呀？」

他強調通關應一視同仁，內地人與與海外非本地居民看齊，必須先完成接種疫苗才能來港，「有乜理由外國返嚟要打齊針？因為佢哋入食肆除口罩，中咗招之後我哋公立醫院唔洗招呼佢啫，咁內地同胞嚟一樣㗎。有咩分別呀？隻菌又唔識認人。」

斥盧寵茂「打倒昨日的我」

他多次表明強烈反對通關取消疫苗通，並點名批評醫務衞生局局長盧寵茂：「因為佢打倒昨日的我嘛，之前盧寵茂口口聲聲話一定打齊針先可以除低口罩，如果唔係中招就要入院，宜家5,200人（入院）又唔見佢出聲？尋日講嘅嘢今日咁快冇咗，呢個政府有冇搞錯！佢以後講嘢仲有冇人信佢？」

行政長官李家超昨日在記者會稱目標1月15日前與內地通關，並有人數限制。田北辰估計初期每日只有約3萬個名額，但希望可以由1月8日開始，目標年三十晚前有30至40萬人可北上探親。他續稱，通關首日高鐵便須全面開通，例如必須可由西九直接前往廣州東站，以及增加直通巴士班次。