政制局副局長胡健民重提19年區選 憂遭「黑暴」插一刀
（獨媒報導）政制及內地事務局副局長胡健民接受民建聯訪問，重提2019年區議會選舉，早上在擺街站時遭「黑暴」粗口問候及指罵，又稱：「如果佢插一刀落嚟，我唔好話死得啦，我攤喺醫院度攤幾個月，我點樣同我屋企人交代呢？我為咗乜嘢呢？我又唔係喺呢度搵食，我有自己生意，我想服務吓社會啫！」
胡健民在該屆區議會選舉中落敗，在2021年10月中獲委任政制及內地事務局副局長，成為曾國衞的副手。對於當時的反修例運動，胡健民更反問：「點解香港搞成咁呢？最盤古初開我想服務社會，訓練自己做一個有用嘅人，點解我做呢啲嘢，你要累我受傷呢？」
影片截圖
曾任輔警正職從商 認識黃碧嬌後加入民建聯
民建聯出版新書《30個民建聯人的故事》，並發布網上影片作介紹，胡健民是其中一人。56歲的胡健民曾任輔警，他原本正職是從商，他在影片中便稱，早年曾到內地設廠，但多年來均沒有離開服務社會，「政府亦都開始留意，委任咗我好多唔同諮詢委員會嘅委員，更加加強咗服務社會嘅心同機會。」
胡健民居住在大埔，稱在認識前大埔區議員黃碧嬌後加入民建聯。他表示曾考慮加入其他政黨，但自己最認同民建聯，「真真正正做地區服務嘅，就真係民建聯」。
在2011年區議會選舉，胡健民首次參選，出選大埔怡富選區，但不敵新民主同盟任啟邦。他在翌屆轉戰大埔宏福選區，擊敗民主黨的文念志當選，在2019年不敵區政聯盟的姚鈞豪，未能連任，得票率僅得四成三。
影片截圖
區選落敗感灰心 加入政府後更感民建聯貼地氣
在影片中，胡健民稱在區議會選舉落敗後感到灰心，他亦對當時區議會選舉如期進行有意見：「原來搞到香港咁樣啲黑暴，你哋都仍然係可以咁樣投票法。」他又質疑，自己付出十年的工作是否已付諸流水，後來認為要協助民建聯黨友陳克勤參與立法會選舉，才繼續從政。
自前年出任問責官員，胡健民自詡民建聯成員貼地氣，及知道市民所需等。他表示，加入民建聯後認識了不少有承擔的人，期待與其他愛國者治港人士，日後一起合作及服務社會。