（獨媒報導）《飯戲攻心》自去年中秋節上映至今，導演陳詠燊及演員鄧麗欣昨晚（10日）出席「飯後分享會」。陳詠燊預告將會在農曆新年上映賀年版，名正言順成為賀歲片。而被問到喜愛唱歌或演戲，鄧麗欣稱愛演戲多於唱歌，認為唱歌較享受表演，但演戲則有經歷了不同人生的感覺：「我好鍾意呢個世界，好鍾意演戲呢個世界，好鍾意去投入唔同嘅人物啦，好鍾意演繹唔同嘅人物啦，同埋可以好認識到好多嘅自己。」

《飯戲攻心》原為2022年的農曆新年賀歲片，但受第五波疫情影響，戲院需要關閉，最後在中秋節上畫，並以7,700萬票房成為去年港產片第二位，兼本地最賣座華語喜劇電影。電影至今上畫19周，將在今個農曆新年上映「賀年版」，包括在酒樓中的原裝彩蛋，將於片尾播放。鄧麗欣笑稱，《飯戲攻心》亦破了自己紀錄，是她有史以來上映最長的電影，及謝票次數最多。

鄧麗欣：理解自己才能接納他人 如打乒乓波

在唱歌與演戲之間的抉擇，鄧麗欣指不少人都曾問過她該條問題：「你早幾年問我呢個問題呢，我都覺得好難答，我宜家真係可以都幾肯定答你，我鍾意演戲。但係唔代表唔鍾意唱歌，只不過如果你夾硬要我揀一樣嘅話，我係真心鍾意演戲。」

DSCF2959
鄧麗欣

鄧麗欣認為要先認識不同的人，才可演繹不同的角色：「首先你要好了解自己，你先至開發到自己嘅心去接納人哋㗎嘛，所以同時間你都係學識去認識自己，呢個過程好得意，好似你打乒乓波咁樣，來來回回。每個人多多少少都會有相似地方，都會有唔同嘅地方，所以我認識到你理解你嘅同時，都係理解緊自己。」

原飾演林明禎角色 但希望挑戰新鮮

在戲中飾演女主角Monica ，鄧麗欣周旋在由黃子華、張繼聰飾演的兩兄弟之間。她表示，在初次看到《飯戲攻心》的劇本時認為吸引，但就對多人主演感到憂慮。

另外，鄧麗欣透露，公司當時希望她飾演最後由林明禎擔任的角色阿Meow：「但係再細心啲諗，覺得唔係咁適合，如果我再演一個角色嘅時候，我都想挑戰吓自己去演一啲，我未演過，或者比較可以新鮮啲嘢。」她指在揣摩角色時希望能夠深化角色，因為如處理得不好，便會令人感到黑人憎。

鄧麗欣獲老闆上門見面 有觀眾首次入場因無打針

陳詠燊又指，戲中主角黃子華、張繼聰均到辦公室與監製兼老闆，即安樂影片有限公司總裁江志強會面，但唯獨是鄧麗欣，二人親自上門，到她的辦公室見面。鄧麗欣稱當時既緊張又感動，大讚江志強具熱誠，是熱愛電影的老闆。

DSCF2909
陳詠燊

此外，有不少入場觀眾表示是首次入場觀看，鄧麗欣問「點解咁遲先睇」，有觀眾高呼因為「無打針呀」。陳詠燊稱十分高興，並感謝支持：「我哋套戲撐得住，就令到其他之前未睇得到嘅朋友都可以一齊嚟。」