「全政府動員」演練惹文職公僕不滿：我哋唔係紀律部隊
【獨媒報導】「全政府動員」級別首次演練昨日完成，約1萬名公務員獲通知進入戒備狀態，當中300人須在下午3時前到達北角社區會堂。惟有報導指公務員「敢怒不敢言」，認為緊急事故並非文職人員工作範圍。公務員工會聯合會總幹事梁籌庭今在電台節目再表示，公務員內部對要組織應變隊有微言，「大家都話：『嘩，有冇搞錯！我哋唔係紀律部隊嚟喎，打工啫，唔係應變部隊嚟喎。點解我哋要咁呢？』」
稱公務員出動後確診有「心理負擔」
政府昨日舉行首次演練行動「達陣I」，模擬香港鄰近海域發生海嘯，向約1萬名候命人員發放戒備訊息。梁籌庭今早在商台《在晴朗的一天出發》再談到公務員內部有微言，指很多同事收到要組織應變隊的訊息後反應嘩然，「大家都話：『嘩，有冇搞錯！我哋唔係紀律部隊嚟喎，打工啫，唔係應變部隊嚟喎。點解我哋要咁呢？』」
他續指，很多公務員在疫情時被指派協助封區及派發物資，之後確診並傳染予家人，「佢哋其實有個心理負擔喺度，你話突發，你叫我做啲乜嘢我唔知嘅，你宜家又話有核電洩漏咁就去做啦」。
政府新聞處圖片
指有部門候命時間長達半年
梁籌庭又批評各政府部門的應變人員候命時間不一，有部門更每半年才更替一次名單，認為做法影響公務員日常，建議各部門人員的候命時間最長兩個月，「任何私人活動你都要小心啦，生日party好，或者你去參加婚宴乜都好，如果一收到訊息，你就要馬上起程走人。」他強調公務員仍願意為社會突發事情付出，「我哋都係第一個衝出去做嘢」，只是不滿今次演練遲到就需要紀律處分。
楊何蓓茵
演練撞正食飯 梁籌庭：都要放低即刻走人
公務員事務局局長楊何蓓茵昨日交代演練時提到刻意選擇橫跨午飯的時段，測試人員會否「食定嘢先嚟」。梁籌庭就表示，演練時間對工作影響不大，「不過問題係如果你真係食緊飯，你都要放低即刻走人㗎啦，係咪？」他又指，除了有300人須在限時前到達北角會堂報到，其他參與的公務員則會收到由應用程式發送的通知，告知被列入的應急小隊，並不需到指定地點集合。