【獨媒報導】新一份《財政預算案》昨日出爐，前會計界立法會議員梁繼昌出席一網台節目時直指《預算案》「無亮點係一大亮點」，又認為政府過度強調《香港國安法》，令投資者有心理影響，若政府要吸引人才，應宣傳香港有良好營商環境、有令人放心的法制，「你唔係話擺1億喺『Hello 香港』、『開心香港』啲人就會嚟，啲人要感覺到需要嚟香港先要嚟」。

梁繼昌批政府過度強調國安法 投資者心理有影響

梁繼昌出席民主黨前主席劉慧卿的網台節目《議會內外》，當中談到最新一份《財政預算案》。梁繼昌指《預算案》涉及不同範疇，「樣樣都講啲，無亮點係一大亮點」。不過，對於政府近年大力「搶人才」，梁繼昌認為人才是要「吸引」而非「搶」，營造香港有良好營商環境，簡化來港營商的程序、提供稅務優惠 、有令人放心的法制等才是最重要，「你唔係話擺1億喺『Hello 香港』、『開心香港』啲人就會嚟，啲人要感覺到需要嚟香港先要嚟」。

332581510_249063607446861_9087925728129594908_n
OurTV.hk Facebook圖片

對於政府在賣地及短期租約條款內加入國安條文，梁繼昌認為政府過度強調《香港國安法》反影響人才來港，「其實國安法你唔擺喺到，都係香港部分嘅法律⋯⋯你唔擺喺到，係人都知好緊要」，「譬如你買塊地做非法行為，一定會無咗租約，一定會刑事調查你，點解你要再三強調？係咪會對投資者有心理影響呢？」，認為政府若能夠展示包容性會更好。

梁繼昌雖指《預算案》沒有亮點，不過他指政府去年經常性開支減少百分之六，而過去10年政府每年的經常性開支只有增加，希望陳茂波繼續維持。梁繼昌亦擔心「Happy Hong Kong」會開設不必要的職位，認為政府應謹慎理財，減少非常性開支。

有人稱「壞新聞」難說香港故事 梁繼昌：民主黨食唔到飯係負面消息 想少啲就要人人開心

主持劉慧卿提到政府近年要「說好香港故事」，有人認為香港不宜有太多「壞消息、壞新聞 」。梁繼昌認為資訊透明度對吸引人才很重要，他指商人着重稅制、法治及資訊自由，「資訊係好緊要，你點樣做交易、個間公司好唔好、經濟環境點樣，呢啲資訊是絕對絕對重要」。

劉慧卿則笑稱「我地民主黨想食餐飯啫，都要臨尾兩三個鐘頭要取消，咁呢個係咪行政長官李家超講好香港故事，政黨想食餐飯都唔得」。梁繼昌指，「呢啲咪叫負面消息囉，如果你想負面消息少啲，令到真係個個人係香港開心」，所以吸引已離港的港人回流，重要是讓他們到香港未來十多年有甚麼優勢，令他們感到「happy」。