蘇長荣不滿大灣區青年聯盟無影 麥美娟激動回應：民青局無一個係卸膊

（獨媒報導）政府在2019年《施政報告》提出，成立「大灣區香港青年創新創業基地聯盟」，但至今仍只聞樓梯響。選委界立法會議員蘇長荣不滿聯盟無影，至今仍未成立，斥當局「講咗三年幾呢都對兌現唔到，一句疫情就卸晒膊」。民政及青年事務局局長麥美娟回應時十分激動，稱「一定必須要澄清㗎呢，民青局嘅同事無一個係卸膊」。

前行政長官林鄭月娥在2019年《施政報告》宣布，將成立「大灣區香港青年創新創業基地聯盟」，邀請粵港兩地機構，包括具實力及有往績支持的雙創基地、大學、非政府機構、科研單位、專業團體、創投基金等加入聯盟，攜手建立一站式資訊、宣傳及交流平台，支持在大灣區創業的香港青年。

選委界立法會議員蘇長荣

蘇長荣質疑無了期 斥「一句疫情就卸晒膊」

立法會財委會下午舉行特別會議，蘇長荣在發言時就追問麥美娟成立聯盟一事：「到宜家都仲未成立？點解？仲搞唔搞？」他更形容為「無了期」，對當局的回覆感詫異，「本來係一件好有意義嘅事情，政府講咗三年幾呢都對兌現唔到，一句疫情就卸晒膊」，追問當局是否仍會成立聯盟。

民政及青年事務局早前書面回覆指，由於受疫情影響，需待創業及體驗計劃相關項目運作暢順，及取得一定進展，將適時檢視兩項資助計畫，並研究進一步支援有意在內地創業青年的措施。

民政及青年事務局局長麥美娟

麥美娟強調必須澄清 「我無一個團隊成員係咁」

麥美娟在回應時七情上面，稱「一定必須要澄清㗎呢，民青局嘅同事無一個係卸膊」，每名官員本著「民政幫到你嘅精神做事」，重申受疫情影響，導致青年創業家未能落戶大灣區不同城市，當對方開展工作後，必定盡快成立聯盟。

在會議上，麥美娟再三強調，局方早前在《青年發展藍圖》中已說明，不少青年創業家均向當局反映需要該平台，當局在今年內將研究成立該聯盟：「肯定不存在後先議員所講嘅指控卸膊，我無一個團隊成員係咁！」