鄧炳強：香港五光十色 「開講座、開記招、搵議員」可表達意見

（獨媒報導）遊行集會活動近月復常，但不少被施加限制條件，更有不少團體撤回遊行申請。保安局局長鄧炳強接受電台訪問指，遊行集會有被騎劫的「附帶風險」，但香港「五光十色」，有不同方法可安全地表達意見：「做一個講座將意見講晒出嚟，或者一個記招，或者搵議員將你嘅意見講出嚟。」

稱本港國安風險仍高

儘管香港已走進「由治及興」新篇章，但鄧炳強已多次強調本港仍有一定國安風險；國務院港澳辦主任夏寶龍早前訪港曾與他會面，指在確保香港發展同時須居安思危。鄧炳強今早接受商台《政經星期六》訪問，提到在國際地緣政治大局下，本港面對的國安風險仍高，美西方國家仍透過「零和遊戲」，打壓他國以維持自身霸權；尤其利用「一國兩制」分裂香港與內地的關係，打壓中國發展。

鄧炳強（資料圖片）

國家計算機病毒應急處理中心日前發表報告，指稱美國中情局（CIA）在全球組織「顏色革命」，包括2014年烏克蘭革命。鄧炳強強調：「2019年『黑暴』事件，都唔係第一次講啦，呢個係港版『顏色革命』嚟。」他表示，西方國家會先尋找代理人，挑起事端製造社會對立，甚或利用假新聞和假消息煽動市民，從而推翻政權。

指香港「五光十色」 市民可透過講座表達意見

近月復常的遊行活動，不少被施加掛號碼牌等限制條件，是否意味短期内的遊行集會均有被騎劫風險？鄧炳強認為現時考量較多，是基於反修例事件，「好多人騎劫啲公眾活動進行暴力嘅情況，甚至乎分裂香港」，因此現在須更謹慎考量公眾活動如何有序進行，包括增設不同的限制條件，「我哋覺得呢啲係好正常、好合理。」

資料圖片

至於夏寶龍曾稱「遊行非表達訴求唯一方法」，鄧炳強指其言論不影響當局批准遊行如否，「都係根據返法律去做事嘅。」他認為遊行集會有被騎劫的「附帶風險」，建議市民以講座或記招等方式表達意見：

「做一個講座將意見講晒出嚟，或者一個記招，或者搵議員將你嘅意見講出嚟。其實好多方法可以將你嘅意見表達出嚟，唔係一定要用一個有機會製造風險嘅情況，因為香港社會係五光十色，可以用唔同嘅方法表達，但必須要安全同唔好俾人利用。」

上周一是疫情後首個五一勞動節，但往常舉辦的遊行活動並無「復常」，勞聯及前職工盟成員先後撤回遊行申請。被問到當局取態會否影響申辦意欲，鄧炳強重申若然主辦方意識到活動有被騎劫的可能，取消活動是負責任的行為。

稱須為23條立法做好解説：唔好俾人改花名

至於討論多時的《基本法》23條立法，鄧炳強上月曾稱「希望今年，最遲出年完成立法。」鄧炳強今日的答覆沒有改變，當局現時的工作包括研究外國法例、2019年的事情及未來風險。他提到，今次立法參考的起點必然是2003年，但目前情況與當年有別，尤其是2019年後，社會的改變「翻天覆地」。

鄧炳強強調必須做好解説工作，「先至唔會令到人哋有機會挑動，話呢條法例唔好啊，『惡法』啊。」他指首要工作是「唔好俾人改花名，啲人就入左腦」，最重要讓市民記得國安風險確實存在。