（獨媒報導）政府多次公開批評《明報》的尊子漫畫，專欄更於上周日（14日）起停刊。尊子今早接受電台訪問時坦言，不覺得停刊是一件大事，暫時亦無意考慮在其他平台再畫政治漫畫，並強調仍有很多要關注的事，「暗底裡好多嘢改變咗大家冇關注嘅，其實更加重要。」

未再畫政治漫畫嘆港少空間

尊子今早接受商台《在晴朗的一天出發》電話訪問，主持人首先打趣問到：「唔洗日日交稿俾《明報》，係咪好輕鬆呢？」尊子亦笑言認同，指仍需要慢慢習慣，並表示近期未有畫政治漫畫，正忙於處理其他積壓的工作。

IMG_7427
尊子（資料圖片）

被問到看到近日新聞時，會否仍然想起可以成為政治漫畫題材，尊子坦言仍有此習慣，「過去幾日見到好多新聞，如果有朋友畫嘅話，可能係好好嘅題材嚟，可惜宜家呢個時候就比較少啲呢啲地方。」他更舉例指，圖書下架風波、香港失業情況、公務員加薪都是作畫題材。

稱圖書館針對人名下架作品

在《明報》宣布停刊後，公共圖書館瞬即將尊子的書籍下架，尊子「臨別」前亦曾繪畫一幅「下架書店」人山人海、公共圖書館空無一人的漫畫。尊子認為，很多人對圖書下架感到意外，指下架書單很多只是與人名有關，與社會時事無關，「咁都要下架嘅話，其實會唔會有啲唔單止係矯枉過正，我相信好似係有啲壓力喺度，要做啲嘢俾人睇咁樣，需要警惕同憂慮。」

photo_2023-05-12_11-19-17
明報圖片

尊子續稱，不知道公共圖書館收藏了自己哪些作品，但指自己曾替香港中文大學「賽馬會手語雙語共融教育計劃」繪畫兩本《讀故事學語法》系列的插圖，認為館方沒有必要將圖書下架，希望對方過一段時間後可重新上架其著作。

不覺作品有違國安法

行政長官李家超曾指圖書館館藏須符合法律、國安法及香港利益，被問到覺得作品有否違反以上條件，尊子就笑稱：「你問我梗係話冇，問佢梗話有。」主持再問假如局方覺得「尊子」二字不符合香港利益，尊子就淡淡然稱：「咁咪刪咗尊子兩個字，改過第二個名囉。」引來主持們哄堂大笑。

指政府看待漫畫角度有變

政府不同部門在8個月內六度批評尊子作品不符事實、抹黑，尊子認為自己的作品沒變，只是觀者的角度改變，在「有些時空局限」下，官員才會作出批評：「可能佢之前唔係咁諗，去到今時今日先咁諗法，或者過一段時間，佢又會否定返之前講過嘅嘢，呢個絕對唔奇喎。」他又指不敢向政府提出建議，強調自己的專長是透過漫畫對社會現象提出疑問與質疑。

反駁梁振英：英國漫畫家都唔畫香港嘢

對於前特首梁振英斥尊子作品解有談及歐美，只是唱衰香港。尊子就解釋，漫畫的角色猶如社工，「你係嗰個地方，唔會走去歐美做嘢，都係做返你個區裡面嗰啲人、遇到嘅嘢咋嘛。英國都有英國漫畫家，佢哋都唔會畫香港嘢啦。」

告別作贈留港人：一齊面對壓力先睇得明

尊子於《明報》刊登漫畫40年，他指理解香港的新聞及言論赤度一直收窄，「我對新聞工作者同編輯好有信心，但某啲環境下唔能夠唔去做某啲犧牲嘅嘢，或者倒返轉頭講，佢哋需要做啲取捨。」被問到《明報》有否建議繪畫較民生的題材，尊子表示沒有，又指過往專欄在其他報刊上亦曾停刊，形容今次停刊是社會氛圍的投射。

他亦談到最後《明報》「乜議員」的雨中道別三格漫畫，指漫畫沒有語言，「其實好多嘢大家都明」，並指：「係俾返留喺香港今時今日嘅人，大家一齊面對壓力嘅人先睇得明。」

ac67522d052513dd8c871de50141e716
明報圖片

近年香港再掀起「移民潮」，尊子指自己沒有因為壓力而想過離開香港，更稱現時「傾向留低更多少少」，指很多同學仍在香港，「可能唔係咁敏感，但其實貢獻都好大，如果我能夠做到少少，都繼續做啦。」

尊子：無意再於其他平台上作畫

尊子亦向讀者表示：「唔覺得停刊係一件好大嘅事，因為大家都喺度做唔同嘅嘢，你哋電台做緊嘢，其他報紙編輯記者等等都做緊嘢，其實有好嘢需要關注，當然visual（看得見）嘅嘢好突出，暗底裡好多嘢改變咗大家冇關注嘅，其實更加重要。」

對於會否在其他平台再畫政治漫畫或其他漫畫，尊子稱暫時不會考慮，亦未有打算為今年六四作畫，但指作為創作人仍有很多表達方式，「做DJ都得㗎，哈哈！」