勞工處長指傳媒報導暑熱停工片面 有「好僱主」請食西瓜飲涼茶

（獨媒報導）勞工處上周推出《預防工作時中暑指引》及暑熱警告，適逢連日酷熱天氣，連續發出黃色工作暑熱警告，不過接連有高勞動的地盤工反映不獲休息時間。勞工處處長陳穎韶今出席沙田區議會回應有關新指引提問，陳穎韶稱傳媒只聚焦在停工時間是「片面表述」，有僱主的消暑措施做得比指引更好，她稱有僱主「請大家食西瓜、飲涼茶啊，佢哋話畀我聽，做埋呢啲添㗎啦」。

稱即使停工亦快復工 不影響工程進度

勞工處處長陳穎韶今日到訪沙田區議會，進行工作匯報，包括本月公佈的《預防工作時中暑指引》。《指引》列明當三色暑熱警告生效時，僱主應為戶外工作的重勞動及極重勞動者提供休息時間。

區議員鄭仲恒提到，聽到有工友被判頭威脅「你停工咪停薪囉」，問如何確保僱主跟從《指引》，鄭仲恒又擔心停工令工友之後須追趕工程進度。

鄭仲恒

陳穎韶回應指「部份傳媒將個焦點太過只係⋯⋯擺咗喺停工安排嗰一版紙，但如果睇晒我哋成個《指引》，個用意唔係咁嘅，嗰個係比較片面嘅一個表述」。她強調，《指引》列明有其他措施幫助工人散熱，包括帶上隨身風扇、飲用充足食水、提供遮蔭處，「如果做到嗰啲嘅時候，其實你未必需要下下停工」。

她續指，暑熱警告與黑雨、風球不同，通常只在中午一段時間生效，「就算你黃色呢，絕大部份情況之下都少過兩個鐘，同你打風一整天停工嘅程度係並不相同」，故認為不會出現停工以致需要追進度，並稱已向僱主表明停工不應影響工人薪酬。

處長稱業界「好驚」 認真看待新指引

陳穎韶提到，雖然指引不具法律效力，但如果僱主屢勸不從，處方仍可引用「僱主一般責任條文」作出檢控。她強調處方未來會加強巡查，僱員亦可透過熱線投訴僱主，又呼籲市民放心：「建造業界朋友話畀我哋聽，勞工處出親指引，佢哋（僱主）就好驚、好認真看待」。

陳又表示，在未推出《指引》前，部份勞工意識較高的僱主本身已會在中午容許較長休息時間，更知道有僱主做得比《指引》更好，「我哋指引都無話要叫佢請大家食西瓜、飲涼茶啊，佢哋話畀我哋聽，佢哋做埋呢啲添㗎啦」。

有議員指警方降入職門檻搶走保安人手

衛慶祥

區議員衛慶祥則關注清潔及保安行業的勞工短缺，「有工無人做」，並指警方早前「降低」入職門檻，令聘請保安更加困難，「點解我仲做保安，不如我去考警察啦」。沙田警區指揮官梁子健隨即回應指「係調整，無降低」。