【港超聯】港甲季軍北區或升班 主席朱浩賢：進度理想、努力搵贊助
【獨媒報導】本地甲組聯賽周日上演補賽，高力北區以4:1大勝黃大仙，奪得港甲季軍。北區足球會主席朱浩賢表示球隊會盡力升班，稱目前進度理想，但仍要努力尋求贊助，指如升班將會使用北區運動場作球隊主場。
今屆甲組聯賽冠軍中西區、亞軍九龍城較早前表示無意升班，有報道就指北區不排除升班。《獨媒》向北區足球會主席朱浩賢了解，他表示「年年都準備升，升年都有咁嘅想法」：「我哋係甲組嚟，唔係職業，由業餘跨去職業組別確實好大嘅一步嚟。」
朱浩賢
仍要努力尋找贊助 如升班班費至少500萬
本身是選委會第四界別委員的朱浩賢，他強調足總沒有特別接觸球隊，但如資源、能力許可，必定會升班，「踢波係人都想升班，特別如果係地區足球。我哋北區如果升班好值得開心，因為係歷史嚟，都未去過咁高嘅組別，我好希望帶呢隊波咁多年，始終會有呢一日，我想成熟先同大家講。」他形容，現時球隊管理層具經驗，球員今季亦努力比賽，下周五將拉隊到日本大阪旅行。
不過，朱浩賢承認北區仍須努力：「因為真係好難搵贊助，搵資源，我唔想搵到啲贊助踢一年、踢兩年就落返去。」他表示，北區今季過百萬元班費，而港超聯球隊每季班費500至600萬元屬基本消費：「無呢個數目嘅，大家都辛苦啫，呢個數目，由業餘波轉去職業波，都唔係簡單。」
深水埗今季在有限資源下升班港超聯，最終以第九名完成賽事。朱浩賢拒絕評論對方的情況，指升超需要很大能耐、勇氣，「值得俾個like同尊敬佢哋」。
北區在2020至21年球季曾奪得甲組聯賽亞軍，去季球季腰斬，球隊在季尾取得甲組聯賽盃季軍。北區今季續由蔡振賢任主教練，曾任教大埔及愉園的鮑家耀則是球隊助教。球隊坐擁有多名前港超聯球員，包括林毅東、廖憶誠及梁國威等。
鮑家耀（左）
鮑家耀：如升班或參考大埔半職業模式
北區今場輕鬆擊敗另一區隊黃大仙，林毅東上半場頭槌頂入，領先1:0，方俊業及後射入十二碼，贏到2:0。黃大仙下半場一度追回一球，施素高勁射3:1奠定勝局，楊浩賢在補時階段埋齋，大勝4:1。
被問到一旦升班，是否會接任主教練想職，鮑家耀就表示不清楚，稱未知球隊的情況，要視乎朱浩賢的安排。他表示，北區現時多名球員均有正職，如果確認升班，部分球員或會參考大埔今季的半職業模式。
記者：麥馬高、周頌謙