李家超上任一年出片感言：香港的確好靚

（獨媒報導）行政長官李家超七一上任一周年，今日（24日）日一連兩日上載影片分享感受。在首段影片，李家超與特首辦特別助理黃芷淵在太平山頂晨運，並讚嘆：「香港的確好靚，呢個係我哋共同家園，所以我哋一定要令佢更美好。」

李家超首段影片三日前，即6月21日於太平山頂拍攝。李家超身穿白色Polo恤及黑色外套，他甫開始便與市民打招呼，有來港數月的外國人亦對他稱在港感覺十分好。李家超聞言即笑稱希望對方向所有人宣傳香港，並祝福對方「Keep happy, keep strong, keep fit.」

黃芷淵稱李家超段段問高要求

鏡頭一轉，李家超偕同特首辦特別助理黃芷淵在山頂晨運，他指以前都有行山習慣，但現時比較忙，較多練習氣功15至20分鐘。他亦再大談練氣功心得，認為最重要是持之以恆與勤力。

黃芷淵之後稱李家超的花名是「頁問」，即對每頁政策文件都有問題：「其實跟過你做嘢先知道，你有時真係段段都問，要求好高㗎。」李家超解釋，政策研究要肯定已考慮所有因素，但人始終有盲點，藉著討論可思考得更深入廣泛，並強調「問問題唔係為問而問，係為咗探索」。他續稱，政府的「紅隊」概念是來自戰役，「搵其他好有經驗嘅將軍去批判，睇吓你呢個打仗嘅方案好唔好」。

李家超：每個決定影響很多人

被問到上任一年的最大感受，李家超坦言工作繁重，每個決定都影響很多人，形容是「意義重大」，所以更要認清問題。他又提到，其中一件最鼓舞的事是香港走出疫情對外通關，並形容香港在復常路上「走上快車道」，「睇到親朋戚友團聚，大家擁抱嗰一刻喜極而泣，我心入面對喜極而泣」。

他最後望著維港稱：「宜家我哋開心咗，又活力咗，又多咗希望，再加我哋香港本身就咁靚，你睇吓我哋嘅家園有好繁華一面，又有山頂大自然一面，係咪一樂也？」