（獨媒報導）富商「劉公子」劉定成在七一下午現身銅鑼灣，他指今日天氣晴朗於是外出，剛好路過崇光百貨外。對於今日部分食肆提供指定菜式或餐飲七一折，劉明言沒有興趣，一來怕難食，亦「唔知係咪即時整，定係隔夜，我唔敢試囉，廢事食到肚屙」。劉曾在六四前往維園打算觀看藝人陳百祥賣鮑魚，但當時遭警員包圍，被問今日有否擔心，他表示無留意警力，街上的人「又着古裝，又着時裝，咁你都唔知邊個係差人」，強調「我做自己嘢啫」。

劉：與眾同樂，大家都好開心

富商「劉公子」劉定成下午近六時，在銅鑼灣崇光百貨外的記利佐治街行人專用區出現，他稱是路過銅鑼灣，「今日同六四一樣，都係晴朗，天時地利人和，一定要出嚟」。他認為今日銅鑼灣氣氛緩和，正好「與眾同樂啦，今日復古，又有時裝，又有古裝。今時今日嘅七一宜今宜古啦，大家都好開心」。

IMG_8633
「劉公子」劉定成

怕食肆揀難食或「隔夜」點心做七一優惠

今日有近1,500間食肆就七一提供優惠，包括大家樂、美心及富臨等集團，惟大部分食肆只提供指定菜式或餐飲七一折，而非全單七一折優惠。

「劉公子」明言指今日不會去享用七一餐飲優惠，認為該些食肆只會選難食的點心做優惠，又擔心優惠點心是「隔夜」，「因為嗰啲係特選、一兩款至俾你食㗎，唔係全張單埋單七一折㗎！咁嗰啲梗係唔好食嗰啲嘅點心，或者我唔知係咪即時整，定係隔夜，我唔敢試囉，廢事食到肚屙」。

策劃是次優惠的自由黨張宇人日前指全單七一折優惠並不可能，「劉公子」則認為可以，「365分之1日，唔會話唔得，一定可以，問題係無利潤，佢哋廢事做啦」。他又自言「今日心太硬」，將食心太軟作平衡，「應吓節啦今日」。

六四遭10警包圍截查 「劉公子」：截查係榮幸嚟㗎

「劉公子」在今年六四，在維園遭約10名警員包圍截查近10分鐘，惟今日不見有警員截查他。被問到今日有否留意到警方在銅鑼灣部署的警力，「劉公子」指沒有留意，「個個都可能係，又着古裝，又着時裝，咁你都唔知邊個係差人，便衣呀，國安呀，都會喺到，我做自己嘢啫」。「劉公子」又表示，警方截查市民有必要，「截查係一個榮幸嚟㗎，因為佢係覺得你，點解要查你呢？咁一定係有問題嘛」，他認為市民協助警方截查為應有責任。

IMG_7915

身穿黃、白、黑色上衣 稱象徵代表其後半生經歷

「劉公子」今日身穿黃、白、黑三色條紋上衣，他解釋指上衣代表着其自2014年後的「後半生」經歷：「黑白就代表黑白分明，所有嘢野都要fact check。」他又說：「黃、黑、白已經代表哂我心聲。如果你細心回味咀嚼，就會知黃係點、黑係點、白係點」。