【港超聯】譚秋朗拒評曾現「一日兩賽」賽程：唔知點解份嘢出咗街
【獨媒報導】中國香港足總今日宣佈，新一季港超聯將於下周六（19日）開咧，下午四時旺角場由衛冕冠軍傑志對大埔。對於足總被指擬定賽程時出現有球隊一日兩賽的低級錯誤，行政總裁譚秋朗在記者會後稱拒絕評論：「我唔comment呢樣嘢啦，因為其實我都唔知點解嗰份嘢會出咗街。」
足總在港會安排第十季港超聯記者會，足總主席霍啟山、足總董事胡偉民、足總行政總裁譚秋朗、港足主教練安達臣、港超聯賽會召集人陳文俊，及各支球隊管理層、教練及球員代表均有出席。揭幕戰兩支球隊主帥傑朱志光與李志堅亦先禮後兵，李志堅承認兩隊有差距，指會盡力作賽，又笑言會「可能打得消極啲」。
部份賽事無視主客制 譚秋朗：可有例外
除傑志對理文外，同日亦有另一場賽事，由晉峰於青衣主場對升班馬均業北區。周日（20日）就有三場賽事，其中深水埗對冠忠南區與東方對香港U23的賽事同時在下午4時開波，標準流浪則尾場6時半鬥理文，港會首周輪空。
觀乎整份賽程，有部份賽事無視主客制，並非在球會季前選定的「主場」作賽，例如10月4日冠忠南區主場對晉峰的賽事就被安排在旺角場，並非香港仔運動場；明年2月17日標準流浪主場對傑志亦被安排在旺角場，而非流浪今季選用的青衣運動場，反令傑志再有「主場優勢」。被問安排到會否違犯亞洲足協規定，譚秋朗就稱知道主客場要平均，但認為可以有例外，相信競賽部同事已考慮過相關問題。
譚秋朗
譚秋朗多次拒評編賽程風波
本月初有傳媒報導，足總出現「離職潮」，其中包括負責編制賽程的競賽部職員，因此遲遲未能公佈賽程。行政總裁譚秋朗更被指上月在與港超聯賽會的會議上提交一份9月才開咧的賽程，惟當中出現低級錯誤，先後安排東方及理文一日兩賽。
譚秋朗在記者會後成為追問焦點，他稱：「我唔comment呢樣嘢啦，因為其實我都唔知點解嗰份嘢會出咗街。第二，我覺得要尊重返啲同事做呢件事，各位都係一個比較聰明嘅人，應該可以分辨到事實或者是非。」被問到錯誤十分明顯，是否可再改善監督工作，譚秋朗則多次稱「我唔會再comment呢樣嘢啦」。
對於賽程姍姍來遲，譚秋朗解釋7月才收到北區的「升超」申請，令賽期一直未能確定，強調一、兩個月前已著職員安排賽程，「可能有啲challenge（挑戰），確實係最嬲尾兩位資深同事離開前仲未完成」。他續稱兩人「離開得比較急」，在最後一周才表示不接受足總的續約。他亦承認，港超聯賽會有出手協助編排賽程，「後尾佢哋都有啲要求，希望減少夜場將成本減低，後尾係一齊合作」。
稱盃賽賽程已完成 甲乙丙組未有著落
足總今日只公佈港超聯的賽程，《獨媒》問到足總盃、菁英盃及高級組銀牌賽的編排情況。譚秋朗就稱「基本上已完成咗」，稍後會再作公佈。至於甲乙丙組的賽程，譚秋朗就指昨日董事局會議才確定甲乙丙組的參賽球隊數目，之後會「積極安排賽程」。
《獨媒》亦問到足總現時人手情況，譚秋朗強調現時已「齊班」，反指有報導誇張，強調年初只有12%流失率，「其實係比以前好好多，我入嚟個陣數字係好高」。
李志堅
VAR場數隊隊不同 李志堅：所有比賽一致好基本
今季港超聯將正式推行視像助理裁判（Video Assistant Referee, VAR），譚秋朗表明首兩周賽事不會設VAR，指國際足協要求賽事30日前要提交申請，但因今季「球場定位遲咗」，預計9月2日在香港仔運動場上演的冠忠南區對港會才會是首場具有VAR的港超聯賽事。
譚秋朗亦承認，每隊球隊具有VAR的主場賽事亦不一，全季介乎6至8場，被問到會否影響爭分及公平性。譚秋朗稱要與球隊再溝通，希望可再靈活調配：「要平均已經好難，因為今年有好多變數，其實遲咗啦，我哋再揀嘅可能性低咗，跟住每個球場主客有啲分別，今年係編賽程最特別嘅一年。」被問是否已取得所有球會的同意，譚秋朗就稱要與首席球證「double confirm」，並指按道理會取得所有球隊的同意才推行。
大埔教練李志堅表示對首兩周賽事沒有VAR不知情，他表示：「所有嘢一致嘅應該，呢個係好基本㗎嘛，即係一個比賽，所有嘢一致係基本。」
新一季港超聯仍由東網轉播，是連續第九季獨家轉播，香港電台則會負責部份賽事，而無綫電視廣播有限公司就會包攬足總盃轉播。