（獨媒報導）玫瑰崗學校的辦學團體道明會早前宣布放棄辦學，幼稚園及小學部將與另一間私校香港道爾頓學校「合併」，屬津校的中學部將停辦。玫瑰崗中學家長教師會主席包比達今日在港台節目批評教育局「冇理會過我哋」，局方及道明會應舉行記者會公開交代，但「完全冇呢個動作」。目前他收到約110位家長意見，盼能待完成中六課程後才結束學校。

批教育局、辦學團體未舉行記者會

玫瑰崗中學家教會主席包比達有三個孩子，分別已畢業、就讀中五及中二。他指已將其小朋友的需要「擺到最尾」，目前期望能盡量協助家長發表意見。包比達批評政府「政府係完全冇理會過我哋」，認為教育局責任龐大，局方或辦學團體道明會應舉行記者會予機會讓市民、學生及傳媒質問，「完全冇呢個動作」。

包比達續指，學校「你執都唔緊要，有冇一個方案﹗你執唔係一朝一夕去做㗎麻呢個動作，你之前planning，你應該有……如果唔係當我哋一個學生、家長係一個機器呢，係有感情呢一樣嘢呢，仲係有少少人性呢。其實執我唔可以stop你，起碼你之前plan好，一做好呢個決定之後，受害嘅小朋友、家長，我即時有ABC餐話俾你知，嗱幫你搵曬、配對曬㗎喇。」

無標題

批「有錢化、有能力嘅人」無提供協助

他批評目前「冇餐揀」，亦欠缺諮詢，目前家長批評教育局及學校「冇人道」。包比達指已收到約110位家長意見，大部分希望讓學生完成中六，「你殺我哋唔緊要吖」，形容目前家長、學生、老師如「依家孤兒都冇人要呀！」包比達又提到「真係好㷫」的是「社會上好多個有錢佬、有能力嘅人」「冇一個走出嚟話我幫你哋」，形容「食飽嘅人你就識餵佢，餓死嘅人冇人過嚟伸出援手。」家長現時每一分鐘猶如十年「好難過」。

他明言無能力改變辦學團體「殺校」的決定，但認為仍可補救，為現有學生包括約50名特殊教育需要學生作好安排。包比達指該些SEN學生已適應學校，其特殊需要「唔係一朝一夕」可以處理，批「你害咗幾多小朋友」。

道明會昨日回覆傳媒指，選擇道爾頓是因為欣賞對方團隊的誠意及辦學理念，兩者亦有相同價值觀。道明會又指，道爾頓承諾傳承玫瑰崗學校的傳統，包括保留玫瑰崗名稱、設立校史館等，重申「絕對沒有商業考慮」。

對於上述說法，包比達指聽聞新校的名稱為「Dalton School at Rosaryhill」，反問「係咪咁叫做保留我哋名呢？」他又指雙方並無公開協議，外界根本無從得知細節以及是否涉及任何金錢交易。

鄧飛指學生「走得快好世界」

教聯會副會長、立法會議員鄧飛昨日在電台節目表示，稱「站喺家長學生角度，我建議走得快好世界，盡快重建校園生活更有保障。」