【獨媒報導】港股近日走勢向下，中原集團創辦人施永青接受電視節目訪問，指本港扮演中國外循環的角色或會收縮，但對本港金融業仍樂觀，服務對象或會變成內地企業，並能為內地先富起來的人作資產管理，如瑞士為歐洲人作資產管理。另外，施永青指美國禁止中國共產黨黨員的資金流入，但內地富起來的人大多是共產黨員，商人只是下海的幹部：「好多人、好多錢都去唔到美國，咪益咗香港。」

施永青接受港台節目《不一樣的旅程》訪問，認為香港的金融業務較以往更好：「可能悲觀得滯，我最初諗住香港嘅金融中心地位，都會因為美國嘅制約而受影響，但係好奇怪，最近係非常之暢旺喎。因為美國話大陸啲公司去美國，會睇得嚴啲，會逐隻抽出嚟驗，有啲去咗美國嘅話，唔俾佢再買賣啦，要封啦。一講呢，啲公司就嚟晒香港。嚟香港上市嘅公司比以前多咗好多，有啲喺美國上咗市重新返嚟香港，好似阿里巴巴。」

施永青
資料圖片

不贊成年輕人視置業為人生目標 讀緊書買唔到樓屬正常

談到年輕人置業，施永青稱不贊成年輕人視置業為人生目標，認為應有更大理想，指買樓只屬低層次：「求乎其上，得乎其中，你一開始就求乎其下，咁咪得個無囉！買樓只係生活需要其中一部份，當然你要事業有成先可以買到樓，但人生純粹話淨係買咗層樓，作為你一生人嘅成績，梗係唔可以咁睇啦！」

現年74歲的施永青認為年輕人在畢業後，即工作8至10年才能置業：「年輕人搵到份工，做好份工，事業有成咁咪買樓！讀緊書就話買唔到，讀緊書梗係買唔到樓啦！」他曾到大學演講，指有「拒做樓奴」年輕人則較極端，重申買樓可以作為生活及投資安排，學生不用急於研究買樓。

施永青：物業十分適宜投資 地皮長遠必定上升

不過，施永青在節目中就指買樓是十分適宜的投資，因為地產不會消失，屬不滅性土地，土地的價值與土地上的人的生產力有關，土地亦會隨人民的經濟增長而增長：「你唔洗擔心人類唔增長，人類有智慧、發明、創造，生產力多數情況下係上升，一路上升，樓價咪升囉。」他認為沒有其他東西必然上升，地皮在長遠反而必定上升，「除非你買咗底特律」，只要經濟向好，地價便自然向好。

施永青又稱中國人喜歡物業，已當作儲存財富的主要工具，樓價上落便與每個人息息相關，如下跌不幸成為負資產，「有排你還債㖭」。他指本港自殖民地政府便依賴賣地的收入：「升呢，年青人覺得有排都買唔起樓。跌呢，輪到佢老豆慘啦，辛辛苦苦積累落嚟嘅財富蒸發咗。」

然而，施永青質疑政府升多少少便壓抑樓價，「跌多咗」又話要救市，本港1997至2003年人人說要救市，認為調較樓市的工作不容易，但則是必須。

施永青
資料圖片

施永青稱不會遷就年輕人 分享女兒大學畢業後曾搵唔到工

談到近日成為講師，施永青就表明不會遷就年輕人，認為年輕人要自行適應環境，尤其在別人欺負下才能進步：「我嗰陣時成日問個仔，呢間學校有冇人蝦你？佢話無喎，我話呢間學校唔好！梗係有人蝦佢，佢先至會進步。我細個成日俾人蝦㗎！俾人蝦你，要想辦法點樣唔俾人蝦。唔夠佢打，咁咪去『班人』囉！」施永青認為如果朋友滿天下，並不會遭到欺負：「我唔會遷就年輕人！佢問我世界係點，我就話俾佢聽囉，我唔會根據佢理想中嘅世界，淨係氹佢聽得歡喜無用㗎！」

施永青亦指，父母不應對子女無微不至，指其女兒在名牌大學一級榮譽畢業後，卻未能找到工作：「我話你快脆啲搵呀，唔係你看更都要做呀！」他表示，女兒最後找到一份月入一萬多元的工作，上班初時竟「唔知死」跟同事外出食飯，「食得兩日，就計一計條數，食到月半就食晒啲錢，咁唯有返屋企同阿媽講，帶飯得唔得。」

指外循環角色比重下降 廠家不敵內地企業競爭已返港

他又要求女兒將人工的四成交給母親，及後在試用期後加了一、二千元人工，已感到十分開心。另外，施永青稱大女曾在英國工作負責鐵路安全系統，而對外相關鐵路在內地長春生產，她曾到長春與當地工人在工廠飯堂吃飯，才感受到何謂工作。

談到粵港澳大灣區發展，施永青則稱中國因遭到制裁而被迫內循環，香港昔日的外循環角色比重下降，屆時要視乎在內循環是否有角色：「我認為開始嘅時候唔容易得起，一來年青人唔肯上去，唔係你叫佢就上，最後可能真係要馬死落地行，失業左兩、三年，或者兩、三十年，佢先肯上去。」另外，施永青指本港廠家早已不敵內地企業競爭返港，他們的子女亦不肯接班，或已沒有重返內地的理由。