吳秋北批評大學迎新營「邪氣泛濫」 有人「收𡃁」控制學生
【獨媒報導】多間大學在迎新營風波後，推出不同措施收緊活動安排，立法會教育事務委員會今早亦開會檢討大學生活動的管理及品德教育。議員們鞭撻迎新營文化，批評是「埋堆文化、情感勒索、欺凌」，又提倡以其他活動取代迎新營。有三名女兒的工聯會會長吳秋北最肉緊，他透露女兒今年剛入大學亦有參加迎新營，他激動表示「有同學」反映，迎新營是「收𡃁」方式，透過「承傳某種傳統，一路控制同學」，他又狠批迎新營「邪氣泛濫」。教育局局長蔡若蓮在會上多番強調，絕不姑息迎新營「歪風」。
蔡若蓮：學好三年，學壞三日
今早教育事務委員會除了有蔡若蓮出席，8間教資會資助的大學以及3間自資大學，均有派代表出席。蔡若蓮形容反映各所大學和社會各界都非常重視，又指政府採取「零容忍」態度，要求各間大學遏止迎新營「歪風」。蔡若蓮又指學校一直有教授性教育，不過「一個人性格，受好多方面影響」，不過「學好三年，學壞三日，不可低估環境對成長影響」。
立法會教育事務委員會
幾乎所有議員都對迎新營文化一面倒批評，指迎新營爆出欺凌和性侵事件，十多年前已有個案。新民黨葉劉淑儀指立法會多年來對教育局大量撥款做公民及德育教育，但「啲錢畀你，你做咗乜啲？」，又斥教育局態度「推波」，歸咎是受社會影響「管唔到㗎喇」，葉劉反問：「邊個人要負責？局長，我哋畀唔少錢你㗎喎！」蔡若蓮澄清侵犯他人的並非新生，反映新生自我保護意識「唔夠強」。
葉劉淑儀
吳秋北斥老鬼成主犯 大學愈教愈糟糕
過往甚少提及家人的工聯會會長吳秋北，表示今日會議「有一定發言權」，因為「我個女今年入大學，亦參加咗迎新營」，他批評迎新營「年復年」出事，「完全改變唔到風氣。」他愈說激動，指「有同學」向他反映，「其實迎新營就係畀佢哋收𡃁嘅方式，出事𠴱啲往往唔係新生，係嗰啲老鬼喎！」他又指「主犯」是在大學讀書幾年的學生，批評大學將學生「愈教愈糟糕」。
吳秋北
吳秋北又指迎新營背後「有人喺度控制緊各院校嘅學生，承傳某種傳統，一路控制佢哋，呢種方式收𡃁」，他強調是「有啲同學係咁講」。他建議局方應「統一晒」所有迎新活動，校方安排一個環節「介紹學生服務」，其餘活動由校方管理，他又激動形容現時迎新營：「正氣不彰、邪氣泛濫！」蔡若蓮回應指，現時各院校重視程度「同以前唔同」，會跨院校合作「遏止歪風」。
管牧不滿神學生講粗口 若在企業已「炒咗」
牧師管浩鳴亦有見解，他認為現時品德教育出問題，「我讀書時，如果品德有問題，會踢佢出校」，今時今日踢出校卻「非常艱難」。他又透露曾出席某大學神學院的畢業禮，「幾個神學生喺度講粗口」，院長說「無辦法㗎喎，校規無話講粗口唔准畢業」。管浩鳴認為不應容忍學生，「如果喺企業裡面對住你上司講粗口，你會點吖？炒咗你囉好簡單。」
管浩鳴
教育界議員朱國強指出迎新營的「埋堆文化好嚴重」，學生為了避免被排濟只好對「組爸組媽」唯命是從，學生為了入宿，要被迫接受師兄師姐「扭曲嘅團體價值觀」，他更聽聞有人聲言「入得大學預咗畀人玩，否則4年有排你受」，根本是情感勒索和欺凌。
朱國強
梁美芬稱當年Ocamp坐草地談理想好浪漫
委員會主席梁美芬稱，當年任中大聯合書院學生會主席時，「Ocamp 好浪漫，坐喺草地諗點將理想文化傳畀同學」，但現時迎新營「異化晒」，曾有家長反映女兒入迎新營後，「由好陽光（到）成個人變咗。」選委界陳凱欣就問「迎新係咪一定要搞營嘅呢？」，指如果迎新營已違反了解學校的目的，應有其他活動取代，「我讀碩士喺浸大，都無迎新營㗎，淨係大學一年級先有㗎喎。」
蔡若蓮表示大學生活動應該多元，「唔會事必一定係要營，但唔係事必一定唔係營」，要視乎性質。她又指其實普遍香港的大學生質素相當好，相信處理「害群之馬」後，可以「還大學生一個公道」。
