【獨媒報導】香港歌手方皓玟周一在英國倫敦舉演唱會，她在演繹由其作曲、黃偉文作詞的《It’s not your fault》後表示，歌曲提醒大家要珍惜，並勉勵當地港人勇敢生活及追尋理想：「珍惜兩個字真係好重要，無論係一份歌詞，一個身邊嘅人又好，一個細路仔嘅將來都好，其實我哋都好需要去珍惜同埋去保護。希望每一個小朋友同你哋嘅屋企人，喺呢度生活落去都可以搵到理想同希望。」在說畢，方皓玟獲觀眾拍掌及歡呼支持。

演唱會周一（30日）在倫敦OVO Arena Wembley 舉行，今次只此一場。方皓玟以《你好嗎》及《Hey U》作開場，大屏幕亦打出今次主題《HOW ARE YOU LONDON》向當地港人問好。在唱畢《It’s not your fault》後，方皓玟更獲歌迷送花，顯得十分驚喜。

20231030_Photo_11
公關提供相片

對於《It’s not your fault》，小明就稱沒想過會唱了一首兒歌，「仲要係一首亂世兒歌」，並感謝黃偉文填的詞：「小朋友其實係需要我哋好好保護佢哋，我喺佢哋眼中睇到好多好多將來同希望，我哋要珍惜。珍惜兩個字真係好重要，無論係一份歌詞，一個身邊嘅人又好，一個細路仔嘅將來都好，其實我哋都好需要去珍惜同埋去保護。希望每一個小朋友同你哋嘅屋企人，喺呢度生活落去都可以搵到理想同希望。」方皓玟說畢獲觀眾拍掌，及歡呼支持。

生小朋友後唱《無人像你》後有感 喚「自己友」即場擁抱

在唱完《無人像你》後，方皓玟指歌曲記錄了給媽咪的心情，但在自己生了小孩後才有更深體會：「原來自己寫咗一份咁嘅歌詞，原來係touch 到唔係淨係媽咪，touch 到自己，其實愛呢樣嘢需要講出口，幾時都需要去表達。」小明更即場喚觀眾給身邊人一個擁抱：「既然大家都係『自己友』，咁有愛，可唔可以俾隔離嗰位人士一個擁抱呢？」

20231030_Photo_104
公關提供相片

此外，方皓玟邀請了張進翹任演唱會嘉賓，唱出了《God Save The Queen》。張進翹以「嚟自香港」介紹自己，他對能與方皓玟一起同台表演感到高興。方皓玟則稱早在《全民造星III》已留意張進翹的演出，大讚對方有舞台魅力。張進翹指，小明的音樂帶領自己走過情緒低潮，二人合唱了《唵嘛呢叭咪吽》。

20231030_Photo_64
公關提供相片

盼觀眾相信「乜嘢都有可能」 笑言搬到倫敦居住

至演唱會尾聲，方皓玟唱出《假使世界原來不像你預期》及《你是你本身的傳奇》作結，獲全場觀眾大合唱。在Encore 部分，小明在唱出《異流》後一度感觸，指稱曾以為最後一首歌，指當時正值從大公司轉投獨立公司，製作費不多，決定做一首自己好鍾意的歌：「如果個反應唔好呢，可能要轉返做幕後。」

方皓玟提到，自此從《異流》一直走到今天，亦從香港到倫敦，感到十分神奇，希望觀眾相信「乜嘢都有可能」：「只要你唔放棄就有可能，希望大家堅持。」小明最後唱出《Life Is So Beautiful》一曲作結，感謝特地到場觀眾，「俾咗個咁美麗嘅晚上我」，並希望大家繼續勇敢生活，珍惜及享受每一刻，她更一度笑言「我直情搬埋過嚟呢度住𠻹呀」。

20231030_Photo_43
公關提供相片