日本十都縣水產進口禁令 謝展寰︰暫時看不到可解除
【獨媒報導】日本福島核電站明日（2日）將排放第三輪的核污水，被問到會否解除對日本十都縣的水產入口禁令，環境及生態局局長謝展寰表明「暫時睇唔到」：「講緊今年5月嘅時候，搵到條魚超標180倍啦！8月嘅時候，又話有條管洩漏咗啲污水出嚟！不過佢話嗰陣時圍住喺度㗎，無流落水，大家唔洗驚呀，跟住佢就排海啦！啱啱早兩日咋嘛，佢又話有啲核污水倒瀉咗，定話唔知點整出嚟，影響咗佢啲工人𠻹，係嘛？」
日本在今年8月24日首次排放核污水到大海，港府即時禁止10個都縣包括東京、福島、千葉、栃木、茨城、群馬、宮城、新潟、長野和埼玉的海產入口，禁令包括水產、海鹽及未經加工海藻。
謝展寰（資料圖片）
應邀到福島核電站參觀？ 謝展寰：攞多啲資料了解吓先
謝展寰今早出席港台節目《千禧年代》，被問到特區政府會否解禁，他就表示「講起解禁呢一樣嘢，我見到都真係都困難啦」，重申港府質疑日本在排放過程中未能確保不會出問題：「事實講俾我哋聽，佢嗰個⋯⋯問題係不斷地出現，暫時睇唔到點解放寬我哋個限制。」
日本駐港總領事館昨邀請港府參觀福島核電站，謝展寰稱感謝對方，在推廣其做法上不遺餘力，但更關注如何監察污水排放運作及保證安全：「到底請我哋去做乜嘢呢？都要了解多啲先。定係去參觀吓、睇吓咁呢？同佢攞多啲資料了解吓先，睇吓點回應啦。」
資料圖片
續與巴士公司商討換電動巴 不排除提供資助
《施政報告》提出，在2027年年底前投入700架電動巴士，及3,000架電動的士。謝展寰先解釋指，本港沒有生產電動巴士的廠，全球亦沒有地方能生產雙層電動巴士，本港曾嘗試使用單層巴士，效果亦一般。不過，當局近年與巴士公司，向車廠要求以香港的特別規格，生產適合的電動巴士，謝展寰形容「做出嚟嘅效果相當好」 。
至於成本問題，謝展寰指電動巴士的燃料、維修費用下降，但換車成本較高，稱當局為減少更換電動巴士對票價的衝擊，不排除會資助巴士公司「換車」。他表示，當局亦考慮容許巴士車廠在日間開放高速充電位，以收費方式予的士及其他車輛使用，以協助巴士公司增加收入，務求對票價影響減到最少。
資料圖片
推充電市場化 謝展寰指「發展嚟講都OK嘅」
被問到高速充電位不足的問題，謝展寰指充電裝置屬車輛電動化的其中一項重要策略，當局早在2011年已要求新建樓宇，如要取得停車場樓宇面積寬免，必須加設基礎充電設施，截至今年9月已批出7.8萬個相關停車位，當中3萬個已落成。
另外，政府已推出35億元的「EV屋苑充電易資助計劃」，預期可為14萬個停車位加裝基礎充電設施，並推動充電市場化，即提出收費服務，料今個財政年度公私營充電停車位總數可增至20萬個。謝展寰表示，當局對私家車充電網絡「發展嚟講都OK嘅」。
謝展寰（資料圖片）
《施政報告》未交代「一換一」措施 謝展寰：等番呀財政司司長去講
在商用車輛方面，當局計劃在的士站頭、公共交通交匯處安裝高速充電位，並已招標將油站轉為充電站，另會透過地契條款優惠，鼓勵油站加裝充電位，期望短期內可增至數百個高速充電位。謝展寰表示，當局希望能在兩年內加設至少100個高速充電位，「兩年內應該可以做得到嘅」：「其實一個充電站，可以支援幾部的士㗎啦已經，唔係話一部的士需要一個高速充電器。」
而電動車首次登記稅的寬減安排，即「一換一」措施將在明年3月31日屆滿，但今次《施政報告》未有進一步著墨。謝展寰稱屬財政司司長陳茂波的權力：「將來會繼續定點，等番呀財政司司長去講。」不過，謝展寰承認措施自2018年推出以來反應很好，本港電動車使用比率上升，今年上半年新落地的私家車，在10架中有6架屬電動車，「呢個速度放眼世界都係十分快」。