【獨媒報導】政府計劃向新生嬰兒派兩萬，藉此鼓勵生育，不過自由黨就希望加碼，派足4萬元，直至嬰兒滿5至6歲。自由黨邵家輝提出口頭質詢要求政府直接回應。政務司副司長卓永興指，若按建議執行，估計達數百億元，對政府財政負擔十分龐大。自由黨黨魁張宇人質疑政府「計錯數」，因為各項稅收都會增加，他舉例生得愈多，買的尿片、迪士尼門票亦更多，又稱自己生了3個小孩後，緊接5年「我收入搵多咗十倍」。卓永興表示似乎兩者無必然關係，「係咪我生多啲，就收入多啲，就納稅多啲咁樣？」

自由黨邵家輝提出的口頭質詢，除了派4萬元外，還要求累進試計算子女免稅額，稱鼓勵中產家庭生育，即第一、第二及第三名子女分別可獲15萬元、30萬元及60萬元免稅額。

自由黨建議將令庫房燒560億

政務司副司長卓永興指，派4萬元的建議初步估計可達300億至560億元開支，屬十分龐大的財政負擔，亦不是良好的資源運用，沒計劃採納。若只針對基層派發4萬元，會引起很大行政費，所以政府今次派2萬元是不分階層。

至於累進式計算子女免稅額的建議，卓永興表示按自由黨的計算，每年會減少42億元稅收，大大加重政府財政負擔，同樣未有用。他強調當政府審視新的扣稅款項時，都會仔細考慮對公共財政的影響。

無標題
卓永興

張宇人稱生愈多 尿片晚飯使更多「你話幾好呢」

自由黨黨魁張宇人發言，向卓永興表示計數時不要只看支出，「做生意好怕淨係睇支出，唔睇收入嗰項，如果係咁乜生意我哋都唔使做嘅」。他稱更多生育可以帶來可觀收入，「當你生到第三個，你會發覺一年兩次去廸士尼係6張飛，唔係1張飛」，連同尿片和外出用膳，「你話幾好呢」。他以自己為例，「我第三個細路生完，嗰5年後，我嘅收入係搵多咗十倍」，他稱要看一個人「搵多咗，畀多咗稅喎」，叫當局好好再計數。

卓永興回答時沉不住氣失笑，表示「唔係好充份掌握」，無論理由如何，似乎收入與生育沒有必然關係，「係咪我生多啲，就收入多啲，就納稅多啲咁樣？」

無標題
張宇人