【獨媒報導】區議會選舉下月進行投票，被問到如今屆選舉投票率低於三成，是否反映市民不認同新選制。前全國人大常委、全國港澳研究會副會長譚耀宗稱，未有為投票率定下具體指標、百分比：「大家一齊動員起嚟，呼籲各方一齊到時出嚟投票，盡下公民嘅義務責任。」被問到民主派「清零」，或未能做到五光十色，譚耀宗不同意，指沒民主派亦不等如「無咗多元化」 ，新制度可以選出一心一意為社會服務人士，而不是搞事的人。

譚耀宗今午出席民建聯競選活動，他在活動後接受記者訪問，呼籲港人要積極投票。他指今次是新選制下的首次區議會選舉，「越多人出嚟投票越好」：「表示一下對新選制度嘅支持，表示一下對愛國者治港，顯示我哋如何發揮公民權利、義務，為社區選出賢能之士為我哋服務！」

譚耀宗稱選舉情況激烈 「好多支隊競爭緊」

對於民主派「清零」未能入閘，情況是否不理想。譚耀宗則表示「無咩理唔理想嘅」，稱選舉制度是開放，強調要視乎參選人的表現，及能否取得「三會」成員的信任。

至於會否影響選舉的「五光十色」，譚耀宗表示不擔心：「我係唔擔心，話冇咗啲以前反對嘅人士加入議會，就無咗多元化。其實我覺得唔係咁睇㗎，反而選舉過程裡面，好多支隊，大家都喺度競爭緊㗎，都唔容易㗎！」

此外，美國國會議員提出制裁本港49名官員、司法人員等。律政司司長林定國日前表示，如要動用《港區國安法》第55條，必須是「好特別嚴重」的例外情況，包括受外來勢力影響，令國家處於「非常水深火熱」，才由港府或國安委提出。

無標題

譚耀宗重申極之反對制裁 「好特殊」情況始動用55條

被問到現時是否適合動用第55條，譚耀宗重申，美國國會議員的做法不能接受、極之反對，「呢個破壞咗法治嘅」，如一旦未能執行國安法，特區政府或中央政府便要考慮是否移交內地審訊。

不過，譚耀宗指必須在「好特殊」的情況下，兼按一連串程序才執行：「我哋唔希望外國插手我哋嘅司法制度，用各種方式恐嚇、壓制我哋啲司法人員、執法人員，呢啲我哋覺得係絕對不可以接受。如果一旦出現呢個問題，我相信中央政府、特區政府一定有辦法去跟進。」

另外，記者問到，市民北上消費或會影響本港復常進度。譚耀宗則認為不是「甚麼好特別嘅嘢」，過往亦有內地居民來港購物，指內地匯率、服務較好，容易吸引港人消費。他認為本港服務業亦要思考如何做好，吸引內地人來港。