粉紅大使陳凱詠：性取向係流動、望大家勇敢講出嚟

（獨媒報導）相隔 5 年，香港大型同志嘉年華「Pink Dot HK 一點粉紅」周日重返户外舉行。早前稱對性取向持開放態度的歌手陳凱詠（Jace）接受《獨媒》訪問時說，留意到大眾對性取向議題仍然較為敏感，但重申仍在「尋找自己的可能性」，期望能帶出性取向是流動的。

Jace又說，成為粉紅大使是她的「bucket list」之一，期望藉此推廣愛是不分界限：「希望大家搵到自己係咩嘅時候，都可以勇敢講出嚟，令到大家更加有信心，多啲同路人，唔洗自己咁迷惘。」

「Pink Dot HK 一點粉紅」周日於西九文化區舉行。今年由歌手梁釗峰及陳凱詠擔任粉紅大使，Jace說：「我等咗做粉紅大使好耐！做到係好開心。」早在2018年，Jace已曾以組合「Dusty Bottle」主音身份參與Pink Dot表演，她對今次重踏Pink Dot舞台感到期待，又期望能藉此推廣愛是不分界限：「我自己都揾緊嘅，嚟到知道係個安全地方，大家都尋找緊，大家都會接納，就一齊去尋找。認識自己係無止境！」

「Pink Dot HK 一點粉紅」今年主題為「愛就愛出來！Love Out Loud！」。場內合共有44 個本地社區組織及企業攤位，提供遊戲及派發紀念品。舞台表演方面，分別有歌手小肥、鄧小巧、Winka@COLLAR、Lolly Talk、雷同二友、吳林峰，及The Hertz等人演出。