林健鋒不覺23條立法嚇怕外資 反問「今朝股票跌咗幾多？」
【獨媒報導】《基本法》23條立法今日正式開始為期29日的公眾諮詢，政府早上舉行記者會後，多個政黨下午已紛紛表示支持。其中經民聯立法會議員兼行會成員林健鋒被問到立法會否加重本港股市樓市疲弱表現，他就反問記者：「今朝股票跌咗幾多？」他又指「睇唔到今日嘅股市大跌」，強調曾接觸香港及外國的商界，均表示對香港未來發展「充滿信心、充滿希望」，並不認為23條會嚇怕外資，反而是穩定外資的「好法例」。
梁美芬：23條是一個好事、好東西
經民聯立法會議員下午於立法會見記者，副主席梁美芬稱23條立法「等咗20年」，指立法昤對香港社會的「定心丸」。她又認為中央授權港府為23條立法，反映對港府高度信任：「就國家安全立法，全世界只會係中央政府去做，包括西方國家，冇一個國家會授權俾地方政府可以有咁嘅權力去立法……只有香港同澳門。」她強調23條是「一個好事、好東西」，稱中央是為了維護一國兩制才「俾我哋有23條」。
梁美芬
對於政府在諮詢文件中，擬將部份普通法的罪行轉為成文法，梁美芬亦認為是好事，指一般市民未必清楚嘅法律原則：「因為真係唔係人人都讀過法律，尤其是普通法，嗰啲法律原則都匿埋咗喺案例入面，宜家我哋將佢有系統，全部寫咗出嚟。」她指現現行法例零散，部份字眼更沿用97年前英殖時期：「呢次真係完善保護香港！」
梁美芬補充指， 23條立法要有「生命力」，執行要「清清楚楚」，並以澳門為例，指澳門政府2009年就23條立法後，既符合憲制責任，亦把握機會，以致澳門23條案例近乎零，「即係話23條立法目標唔係為咗罰市民，而係為咗 我哋有保護國家安全嘅責任」，勸市民切勿以身試法。
版權: