【獨媒報導】國際邁阿密昨與港聯友賽，球王美斯不出場，令球迷大感憤怒，高呼「回水」及在球賽尾段噓爆。有聽眾陳太致電電台節目，指昨日購買逾1,600元門票，與86歲、穿著尿片的爸爸和兒子從元朗到大球場觀看球賽，對於美斯沒有出場感到非常失望。她指爸爸今日亦不願意到老人中心，憂被其他人取笑，對此「心都噏曬」，爸爸喜歡美斯多年，昨日帶他回家後感到非常不開心。

陳太：不覺是「傻仔」而是被騙

陳太表示不認為自己是「傻仔」而是被騙，指昨日球賽進行至85分鐘時，著爸爸望一望美斯「睇吓佢都好吖」，「真係想喊出嚟，佢無乜幾多個機會㗎喇嘛。」她們曾飛往西班牙到巴塞隆拿觀看美斯，但如今已無法做到。

DSC_7057

「表演賽我唔會剷你啫」

對於美斯稱傷，陳太稱「表演賽我唔會剷你啫，表演賽你扭兩扭，爸爸睇佢扭兩扭之麻……我睇你扭兩扭唔會傷到你㗎表演賽。」她表示昨日中午12時從家中出發乘車，由於座位位於高處，到大球場後需拾級而上爬上欄杆「幾危險呀！」最終至晚上9時才回家，她爸爸中途亦無法「換片」，形容「真係好辛苦」。

DSC_1097

陳太表示不怪美斯，指對方是專業球員，不懂「Social 嘢」，「藝術家咁有佢性格」。她明言深信政府，「咩M品牌、國際大事，唔會呃我啩」，認為政府需作賠償予「小小安慰」，「你俾番10蚊我、20蚊我，或者車費俾番我，我係覺得受騙呀。」她自己今日亦不敢上班，怕被取笑。

主持建議政府主辦另一場球賽作補償，陳太稱「我唔夠膽去喇，抬個伯伯去唔係咁簡單㗎！」她又形容政府昨晚兩篇新聞稿「好似射波咁」。