【獨媒報導】收取天價門票的國際邁阿密球賽，球王美斯最終沒有落場。實政圓桌立法會議員田北辰昨發帖要求「回水」一半，他今早再在電台節目表示「離曬大譜、佛都有火」，認為即便真的受傷，亦可在現場親自告訴球迷等，質疑「咁都唔出嚟，唔係呀話？」。田北辰又認為，事件對香港作為「盛事之都」打擊極大。自由黨立法會議員邵家輝則稱相信美斯為人，「如果佢真係能夠踢到，為咩事佢唔去踢呢？」

田北辰：離曬大譜、佛都有火

實政圓桌立法會議員田北辰形容事件「離曬大譜、佛都有火」，他指不清楚合約細節，如無法追究「咁呢個政府就冇曬面」。田北辰指如真的受傷，但「出嚟講聲、道歉聲，如果佢講得真情流露嘅，大家條氣都順好多啦」，「咁都唔出嚟，唔係呀話？」他又質疑球賽前一日美斯亦有參與練習，「床都落唔到？有冇人信呀！」

田北辰指主辦方「有頭有面」，所以宣傳品皆有美斯頭像，不少球迷是從內地及東南亞到港，認為需「回水」。他認為事件對香港作為「盛事之都」的打擊「好鬼大」，除夕煙花匯演內地人滯港，今次則是「見唔到個人（美斯）」。

IMG_3826
田北辰（資料圖片）

政府昨日放風稱曾要求美斯落場數分鐘、向球迷解釋數句或以隊長身份接受頒獎，惟最終全部落空。外界傳聞主辦方與國際邁阿密的合約中，規定美斯需至少落場45分鐘，除非因受傷或其他意外等。田北辰認為日後處理類似的「逃生條款」時，亦列明處理方法，例如「出一出嚟」，讓觀眾「睇吓你、影吓相，乜都好，呢啲好易做之麻，舉手之勞」，「有咁多人花咁多錢，咁遠嚟到，呢啲嘢冇話包生仔，但你至少要執生」，「連咁都冇嘅，嗰啲人（觀眾）真係覺得你咁串喎。」

他認為美斯來到香港「企係度唔郁、唔踢，咁就冇聲出啦，咁佢做曬喇，佢自己都過唔到佢嗰關掛？」田北辰最後重申，要盡量令人不要認為香港沒有能力舉辦盛事。

DSC_7069

邵家輝：相信美斯為人

自由黨批發及零售界立法會議員邵家輝稱美斯除球技外人品亦佳，稱個人相信美斯為人，「如果佢真係能夠踢到，為咩事佢唔去踢呢？」認為大家「調番轉可睇睇呢個角度」。他又稱如美斯昨日「夾硬踢」影響到新一季球賽，相信並非真正美斯的球迷所樂見。

無標題
邵家輝（資料圖片）

他重申明白球迷的失望，但指事情已過去，本港可繼續多辦盛事，不要因為「小小嘅意外」令續辦活動失去信心。

有球迷影響今次是「世界大騙局」，令本港舉辦盛事的聲譽受損，邵家輝只重申「意外經常會發生」，並再呼籲球迷相信美斯為人。

觀眾批屬欺騙

聽眾潘先生指比賽屬表演性質「最緊要落場」，認為或屬欺騙，又稱「預咗」，美斯在中東亦僅落場數分鐘。

DSC_7103