【元朗7.21】林卓廷抱歉未能保護受襲市民 哽咽稱：無力感非常重，香港唔應該係咁
【獨媒報導】2019年7.21元朗事件中，遭白衣人施襲的前立法會議員林卓廷，與6男被控暴動罪，案件今（6日）在區域法院續審。林卓廷供稱見閘外有人受襲，但「我唔敢跳出去保護嗰個人囉，真係好抱歉呀，唉！」林說畢低頭沉默數秒，並哽咽稱：「我嗰吓無力感係非常之重，見到咁多市民咁樣畀佢哋打」，他不禁嘆氣：「唉！而我做唔到啲乜嘢囉。」他表示，「最初一味叫白衣人唔好郁手，係無用囉」，其後打算用鏡頭影着白衣人，希望達阻嚇之效，但「似乎佢哋係完全無所顧忌」。林語帶激動稱：「佢哋口罩都唔使戴，仲耀武揚威，正面向住鏡頭打人。嗰度係元朗港鐵站，周圍都係閉路電視鏡頭，係香港交通運輸重要基建⋯⋯我覺得極其荒謬，香港唔應該係咁㗎嘛！」林在休庭時不禁拭淚，旁聽人士高呼：「頂住呀，阿廷！」
林：叫白衣人「唔好郁手」，否則一發不可收拾
林卓廷繼續作供。辯方大律師黃錦娟播放林的 Facebook 直播片段。林當時在西鐵站內，付費區約100人，而閘外有多名手持木棍白衣人。片見林高呼：「嘩！好離譜呀！唔好郁手呀！」他表示主要對玻璃閘外的白衣人說，「等佢哋唔好再打人」，他擔心「一郁手就一發不可收拾」。辯方問林為何不斷說「唔好郁手」，林嘆氣道：「唉，我仲可以做咩呢？」有旁聽人士發笑。林補充，當時見有人打人，「諗唔到仲有咩好講」，只是盡量讓對方知道，「喂！我哋有人睇住你㗎！」
林稱被水樽掟中 官反問為何不「Close up」拍攝
林表示，其後被人用水樽掟中兩次，分別掟到肚及腳腕。他一度稱：「我畀水樽掟到。」法官陳廣池問及，為何林不指示身旁的冼卓嵐拍攝被掟情況，「點解唔講『我畀人掟中啦，影我啦，close up』？」林表示當時局面「大鑊」，自己亦感慌亂，故沒有心神指示他如何直播。
林稱拒接陌生人頭盔：唔想人哋覺得有備而來
片段顯示林拉着站內一名男子向後，並搭其肩膊，他解釋是見白衣人開始用棍打人，想保護對方以免遇襲受傷，並製造「緩衝地帶」。其後有陌生人將頭盔給予林並表示「你戴住」，林拒絕然後稱：「你戴你戴。」林解釋：「唔想畀人哋覺得我係有備而來囉」，而且希望對方自用。
林稱叫同事拍攝白衣人大頭 冀令對方收手
林見到閘外白衣人陸續擲物、揮棍，並在走廊追打人，於是他稱：「嘩！啲黑社會真係惡呀！全部影住佢啲樣，全部影晒。」林表示，當時是叫冼拍攝白衣人的大頭，作為一個紀錄讓警方日後調查；同時希望讓白衣人知道「而家影緊你哋啦，好收手啦」。另外冼曾稱「褪後啲呀」，林理解他是想避免閘內人受襲。林留意到閘內人士目睹施襲情況後反應激動，「做咩咁多人打一個人啫！」，並有人走近欄杆罵白衣人，部分人拾起物品擲出去。
林對未能保護受襲市民感抱歉：無力感非常之重
片段顯示一名男子在閘外被多名白衣人包圍毆打，辯方問林「有冇咩可以做到？」，林稱：「我唔敢跳出去保護嗰個人囉，真係好抱歉呀，唉！」林說畢後低頭沉默數秒。法官陳廣池問：「要唔要紙巾？」林回應：「我OK呀，法官閣下」，書記隨即遞上紙巾。林哽咽稱：「我嗰下無力感係非常之重，見到咁多市民咁樣畀佢哋打，畀咁多人圍毆」，他不禁嘆氣：「唉！而我做唔到啲乜嘢囉。」
林：白衣人口罩都唔戴、仲耀武揚威
林表示，「最初一味叫白衣人唔好郁手，係無用囉」，其後他打算用鏡頭影着白衣人，希望達阻嚇之效，但「似乎佢哋對呢啲係完全無所顧忌」。林語帶激動稱：「佢哋口罩都唔洗戴，仲耀武揚威，正面向住鏡頭打人。嗰度係元朗港鐵站，周圍都係閉路電視鏡頭，係香港交通運輸重要基建⋯⋯我嗰陣時無力感好重！我覺得極其荒謬，香港唔應該係咁㗎嘛！」陳官決定先休庭，林在休庭時拭淚。旁聽人士說：「頂住呀，阿廷！」
林解釋因情況凶險 故未有保護受襲市民
休庭過後，陳官問林：「休庭前你講感言，甚至有個感觸，點解有感觸呢？」，林解釋無力感是當時在現場的感受，而情緒則是在庭上才出現。辯方問林，為何他說不敢跳出去保護受襲人士，林解釋：「太過凶險啦，出面咁多白衣人，咁多人揸棍圍毆追打嗰個人，我諗我出到去會更加危險囉。」
林：兩度喝止閘門前白衣人「唔好入嚟」
辯方續播放片段，期間男子稱「唔好落單」，林理解對方提醒閘內人士避免單獨在場，若被白衣人打的話會沒有照應。林憶述當時閘內市民「縮後」，與欄杆保持較遠距離。林又指，他當時覺得「四圍都係佢哋啲人（白衣人）」。
林表示，隨後有白衣人站在已打開的輪椅出入玻璃閘門前，林見狀感緊張，並兩度喝止對方「唔好入嚟呀」，如果他入來的話就要「頂住佢」。林認為若對方入閘內的話，屆時「成班揸棍衝入嚟」將很危險，效果不堪設想。該人最終後退一步。林於是不斷重複：「我哋褪呢，佢就衝入嚟」、「唔好褪、唔好褪、千祈唔好褪而家」。他亦不時將閘內市民拉後，因白衣人可在短時間內衝入閘追打人群。
陳官留意到，一名女子趨近閘口但無人阻止。林表示當時慎防有人衝入閘，因此沒有留意該女子。辯方問，林是否認識一名穿「Press」字樣反光衣的女子，林指當時不認識，後來知悉她是何桂藍，並見她在閘內拿電話拍攝。
案件明續審。
7名被告均否認暴動罪，包括：時任立法會議員林卓廷（43歲）、庾家豪（35歲）、陳永晞（37歲）、葉鑫昇（31歲）、鄺浩林（26歲）、尹仲明（48歲）及楊朗（26歲）。
案件編號：DCCC 1106/2020、1132/2022（已合併）
審訊第24日
林卓廷稱事前不信會在西鐵站公然打人：係香港歷史上前所未見
林卓廷抱歉未能保護受襲市民 哽咽稱：無力感非常重，香港唔應該係咁
審訊第23日
林卓廷稱被告知「鄉頭吹大雞」及「有劇本」：穿黑衫挑釁就「藤條fit兩吓」
林卓廷稱往元朗站「畀壓力」及監察警方行動 警長曾告知「一直有便衣睇住」