【港超聯】顏樂楓盼建理文皇朝 李毅凱：我執到啦
【獨媒報導】理文周日大勝深水埗，提早一輪贏得港超聯冠軍，是該隊成軍七年來的首個聯賽冠軍。理文副隊長顏樂楓在賽後眼泛淚光，希望能建立「理文皇朝」，指職球員要有心理準備：「唔係再去挑戰、接近冠軍，而係將所有嚟嘅對手打低。呢個階段可能係10年前嘅傑志，或者係希望建立理文皇朝。」對於標準流浪總監李輝立早前稱，傑志今季表現欠佳，理文奪冠是「執返嚟」。李毅凱就對《獨媒》重申：「執返嚟？宜家有啲人無得執啦！我執到啦宜家！」
理文今季矢志挑戰傑志的盟主地位，曾昭達在原任主教練陳曉明離職後，接任主教練一職，球隊一直在聯賽榜領先，今場大勝深水埗提前奪得冠軍。現年31歲的顏樂楓是傑志青訓產品，2017/18年球季外借到理文，及後正式轉投「蜜蜂軍團」效力至今，現在是球隊的副隊長。
作為理文「元祖」球員，伴隨球隊走過高山低谷，「光頭」承認創業難，守業難，但認為無論如何都要繼續向前走。他表示，理文一直沒有放棄，感謝會長李文恩及球隊上下都沒有放棄：「我哋咁多年嚟見過咁多球會，好肯投資砌一隊球隊，但可能幾年失敗就消失咗。」
曾昭達：心情跟想像中有落差 感謝李文恩支持
在漫長的聯賽賽事中，除了球員的努力，職員付出同樣重要。曾昭達在賽後表示對奪冠感到興奮，而季前亦早以奪冠為目標，「始終一年嘅努力得到成果」：「整個路途上面都有好多做得唔夠好嘅地方，亦都知道做成一隊強隊唔係一條容易嘅路」，希望日後在不同地方改善。
現年35歲的曾昭達，他在2017/18年球季曾帶領元朗贏得高級組銀牌冠軍，今次再贏冠軍，他就自言「奪冠心情跟想像中有落差」：「我以為自己會好興奮，係感覺到輕鬆咗啲。」他感謝會長李文恩及家人的支持：「多謝一班教練團隊同球員嘅信任同付出，我覺得呢個一個係球隊成功嘅關鍵。」
指上場失利有警惕作用 留任事宜容後再商討
理文早前在足總盃四強遭深水埗淘汰，未能挑戰成為雙料冠軍，更引起部分球迷不滿，社交網站更遭到「洗版」留言。曾昭達指出，上場失利對理文有警惕作用，球隊上下引以為鑑，稱「踢波係咁現實」，「戰果無人完全100%控制到」，但希望透過球員努力令比賽更加「controllable」。
理文會長李文恩在賽後接受傳媒訪問時，預告來季續以曾昭達出任球隊主教練。不過，記者問到來季會否留任，曾昭達則稱現階段未有計劃：「呢個容後再同球會商討，我哋未傾談。」
李毅凱感謝曾昭達信任 冀為香港足球踢更多好波
在今年1月亞洲盃決賽周後，李毅凱在季中從標準流浪加盟理文，他對《獨媒》表示，能替理文首奪冠軍感到十分高興：「年年都爭啲，今年終於不敗去攞冠亞。半季阿達信任我，簽我返嚟，佢無信錯人！我幫到佢到冠軍。」
標準流浪總監李輝立早前稱，傑志今季表現欠佳，理文贏得聯賽冠軍是「執返嚟」。李毅凱則對記者重申：「執返嚟？宜家有啲人無得執啦！我執到啦宜家！」談到先後替傑志、理文贏得聯賽冠軍，李毅凱就表示，會以平常心看待，個人希望能為香港足球踢更多好波，「希望有啲成績俾人睇」。
陳鴻平指球隊有老化情況 明言需要換血
另一理文「元祖」成員，球隊技術總監陳鴻平則承認，陣中球員有老化情況，部分球員需要退下來，而且體能有下降的情況，加上有球員表現欠穩定。他強調，球隊要每場都贏得有說服力，踢出具特色的足球風格，才是冠軍球隊。
曾帶領東方在90年代連奪三屆港甲冠軍，創造「東方皇朝」的陳鴻平，他認為球隊穩定十分重要：「你做一個皇朝，我唔係讚東方、話讚自己，你要有咁嘅球員先得㗎！和仔、譚兆偉，連埋鬼佬，有無話咁？成日都要保持水準係要高，你先可以得。」
談到班主李文恩投資理文七年，今年終於成功奪得港超聯冠軍，陳鴻平亦大讚對方「好鬼好」，十分願意對球員付出。
記者：麥馬高、劉苑嫻
攝影：周頌謙