田啟文指電影場景變打卡點不易 關注政府是否具魄力資源
【獨媒報導】電影《九龍城寨之圍城》叫好叫座，財政司副司長黃偉綸昨表示，當局正聯絡對方希望保留電影場景，讓市民「打卡」。香港電影工作總會發言人田啟文表示歡迎，但指保留電影場景涉及管理、維修問題，又關注是否有魄力與資源做好：「如果做呢件事做到唔三唔四，仲反而唔好。多人嚟打卡，但你淨係得一個房仔呀？係咪呀『龍捲風』古天樂個髮廊？咁細有咩用呢？又有咩效果呢？會唔會迫爆呢？安全問題呢？呢啲嘢講就好容易，跟住你做同規模搞幾耐呀？」
田啟文今早在商台節目《在晴朗的一天出發》表示，歡迎政府的做法，認為是重視本土文化、電影，「任何幫到我哋行業嘅嘢都梗係歡迎」。不過，田啟文認為，如要將電影佈景變成打卡點，需要交通便利，及有相當規模的地點才能妥善管理：「片場其實唔適宜參觀拍戲，因為你無返咁上下規模。」
香港演藝人協會會長、該套電影主角之一古天樂，他早前亦稱，其有意保留一些電影場景用作旅遊景點，供旅客參觀。田啟文就指出，《九龍城寨之圍城》在數年前完成拍攝：「嗰啲佈景擺喺度都霉晒爛啦，就算喺返度你都要重整。」
《九龍城寨之圍城》劇照
憂做到「唔三唔四」 倡設場地作長遠展示
《九龍城寨之圍城》的場景已拆，但目前尚未丟棄。田啟文認為，打卡點的安全及規模同樣重要，加上電影佈景屬組裝拍攝：「如果做呢件事做到唔三唔四，仲反而唔好。多人嚟打卡，但你淨係得一個房仔呀？係咪呀『龍捲風』古天樂個髮廊？咁細有咩用呢？又有咩效果呢？會唔會迫爆呢？安全問題呢？呢啲嘢講就好容易，跟住你做同規模搞幾耐呀？」
《九龍城寨之圍城》劇照
田啟文重申十分歡迎當局做法，但就關注是否有魄力及資源做好：「唔係話我潑冷水，我唔知幾想佢做得成。」他認為當局如重視影視文化，應有場地作長遠展示，又指《九龍城寨之圍城》電影場景的結構及組裝「污糟邋遢啲」，「先有嗰祲馟」：「我哋唔好成日整完啲嘢就拆，好可惜㗎嘛。」
《毒舌大狀》劇照
盼政府聆聽業界意見 指《毒舌大狀》內法庭同應保留
對於就保留電影場景作長遠發展，田啟文就指政府需要聆聽業界意見，及作出協調：「今日就有九龍城寨啫，你之前《毒舌大狀》個法庭你係咪可以擺埋出嚟呢，你嗰個億幾票房㗎喎。」
田啟文慨嘆，本港有不少景點值得保留，包括李小龍故居、喬宏故居等，歷年最成功是電影《歲月神偷》成功保育了上環永利街：「其實我哋香港真係有好多地方都值得⋯⋯拍戲上面，文化嘅保育，或者俾人去打卡，但係礙於地方問題，同埋管理、維修問題，邊個去處理，變相政府都係唔好理。」