【獨媒報導】政府暫緩實施推行垃圾徵費，環境及生態局局長謝展寰稱特區政府正與大灣區商討「無廢灣區」概念，研究將部分垃圾運往大灣區設施處理，將廢物資源一體化：「你見到內地發展相當迅速，我哋香港呢，同佢哋多啲合作，融入整個灣區一齊發展，對我哋有好處。啲垃圾唔係當佢垃圾咁處理，當係一種資源。」

垃圾徵費原定今年4月1日全面實施，當局早前押後至8月1日，期間實行「先行先試」計劃。在周一的立法會委員會會議上，政務司副司長卓永興宣布垃圾徵費的施行時間將無限期暫緩。

目標 2035年關閉本港堆填區 下月向立會申撥款建第二座焚化爐

謝展寰今早接受新城訪問，確認本港堆填區目標在2035年關閉：「我哋啲香港堆填區呀，都造成好多滋擾問題呀，同埋更加重要，我哋香港土地相信矜貴㗎嘛，攞嚟做垃圾堆田嘅經濟成本好大，長遠無可能搵呢啲堆填區處理垃圾。」

當局計劃興建更多轉廢為能設施，以焚化爐取代堆填區處理大量都市固體廢物。而首座垃圾焚化爐將位於石鼓洲人工島，名為I．PARK 1 預計在今年年底落成。當局已選址屯門曾咀興建第二座焚化爐，下個月將到立法會申請撥款。另外，謝展寰透露，當局會在北部都會區興建第三座焚化爐：「咁我哋香港就可以關閉晒所有堆填區，唔需要再用堆填區。


資料圖片

研與大灣區廢物資源一體化 推動綠色產業經濟發展

對於有意見認為，香港可以將垃圾運輸到大灣區處理，謝展寰承認，特區政府正與大灣區商討「無廢灣區」概念，將廢物資源一體化，即包括利用大灣區資源處理香港廢物：「你見到內地發展相當迅速，我哋香港呢，同佢哋多啲合作，融入整個灣區一齊發展，對我哋有好處。啲垃圾唔係當佢垃圾咁處理，當係一種資源。」

謝展寰認為，如能與大灣區一起處理廢物，對本港資源循環、發展綠色產業有很大好處，長遠建立廢物資源一體化，即「無廢灣區」的願景：「部份垃圾唔係運去嗰度（內地）處理，而係有啲設施，可以處理大灣區嘅廢物，亦都可以處理部分香港嘅廢物，咁樣嘅做法嘅話，相信喺成本效益，將來推動綠色產業經濟發展都有好大好處，所以呢方面不斷同內地探討。」

無標題
資料圖片