【足總盃】深水埗明撼東方爭冠 陳浩然：希望天氣可以好啲啦
【獨媒報導】足總盃決賽明日下午在旺角場舉行，東方將會迎戰深水埗。天文台今日已發出三號強風信號，預料比賽將受到天雨影響。深水埗主教練陳浩然表示，球隊早在今個月已備戰賽事：「希望天氣可以好啲啦，如果天氣唔理想，大家都影響個發揮。每個球員都唔會俾太大壓力佢哋，佢哋要做嘅嘢，我相信全部都知道。」被問到有深水埗球員疑涉及「打假波」案件，陳浩然就透露，陣中一名球員在周一向球隊請假。
在足總盃四強賽事中，東方擊敗傑志晉級，深水埗則爆冷反勝理文，歷史性殺入決賽，明日力爭再創佳績。然而，廉政公署日前拘捕12人涉嫌「打假波」，涉及港超聯、乙組球隊賽事。據了解，港超聯球隊均業北區涉案，球隊主教練梁志榮日前回覆傳媒查詢時，表示不方便透露太多。
網上截圖
深水埗「自爆」稱有球員涉案 陳浩然：都係專注返足總盃嘅嘢
不過，深水埗就「自爆」稱有球員涉案。事源有深水埗球迷在該支地區球隊的社交網站Facebook專頁留言稱「新聞話有人打假波，好失望」。深水埗及後回覆曾留言稱：「本會將全力配合廉署調查，而該涉案球員或涉及中介外圍賽事罪行（並不涉及本球會賽事） ，目前已經暫停訓練以及禁止參與本會活動及賽事，而打擊不當行為及嚴懲相關犯罪人士，刻不容緩！」
陳浩然
深水埗其後刪除了該留言，在今日的記者會上，《獨媒》就問到事件對球隊的影響，陳浩然則稱：「都係專注返足總盃嘅嘢，球隊遲啲或者會交待返事情。」談到今場賽事，陳浩然指晉身決賽是球隊的光榮，對手近況非常好，預計會是一場硬仗，「希望能踢場好波俾球迷睇」。隊長顏卓彬就表示，深水埗在近兩仗聯賽賽事的表現不太好，但強調球隊已全力備戰明日的決賽，亦希望隊友能好好享受今季最後一場賽事。
透露一名球員周一請假 陳浩然承認來季去向未明
在記者會後，多名記者再追問陳浩然，指深水埗近日涉及負面消息，加上來季去向未明，關注現時球隊內部情況。陳浩然表示，自己歷來曾執教強隊、中下游等不同球隊，在加盟深水埗的時候已勉勵球員：「為球會拼搏之餘，都係為自己拼搏，因為好多球星都係細球會踢起。我哋入到決賽，宜家有人會留意到我哋隊波同球員。」
至於「打假波」事件，陳浩然就稱廉署記者會「講幾多，我就知幾多」，但透露有一名球員在周一致電教練團請假，今周亦沒有參與訓練：「我哋批准佢講假啦，直到宜家，佢無練過波，亦都無預佢喺比賽入面。直至去到記招，都無特別公布邊隊球隊，邊個球員。」
談到來季去向，陳浩然亦承認球隊未曾交代「仲搞唔搞」目前會先專注昨日賽事：「我相信贏咗聽日場比賽，」所有嘢都會更加順利。被問到如果來季球隊數目減少。對球市的影響，陳浩然就認為球圈總有高低，「你話如果得返七隊，我相信都唔會經歷好耐，好快之後就會有返十幾隊出嚟，球圈咁多年嚟就係咁樣行。」
資料圖片
確認已棄用馬高域兄弟 指因踢法不適合
此外，《獨媒》問到兩名外援球員、來自塞爾維亞的馬高域兄弟是否仍在陣中。陳浩然稱「唔喺陣中」，因球隊戰術上較為側重防守，但二人踢法不適合球隊，執行力亦不及其他球員：「你見我宜家好多時都係用三個外援，或者用好多華人落去踢，出嚟嘅成績就就算用得少外援，都唔代表會差。」記者追問是否已與兩人解約，陳浩然表示「唔知」，但早已向球隊表明二人不適合球隊，「其他就等球會去處理」。
外界有傳深水埗來季或與晉峰合拼，陳浩然稱從盧比度口中獲悉，「晉峰下季自己都會搞」，認為尋找贊助商最重要。記者笑言今場或成最後一戰，陳浩然指「有機會係」：「我宜家都未有消息，都算係最後一戰，我都未清楚前景係點，我都話贏咗波，任何嘢都會順利好多。」
梁振邦
梁振邦指球隊已經歷多場雨戰 「隊友知要做乜嘢」
東方對上一次贏得冠軍已經要數到2020/21年球季，球隊擊敗愉園贏得菁英盃冠軍。東方主教練盧比度表示，希望能以奪冠完結今個球季，並笑言今個球季太漫長。
隊長梁振邦則稱決賽難免有壓力，希望隊友「放鬆嚟踢」，自然可以發揮正常水準。他承認雨戰對兩支球隊都有影響，但指球隊今個月經歷了多場雨戰：「大家都知道如果雨戰嘅時候做啲乜嘢，個踢法係點樣。」