【足總盃初級組】南華負中西區屈居亞軍 盧潤森：對升超持開放態度、需視乎球市發展
【獨媒報導】足總盃初級組周日在蒲崗村道公園上演決賽，南華在90分鐘與中西區踢成2：2，互射十二碼5：6不敵對手。在過百名「擁南躉」入場打氣下，令比賽氣氛熾熱。《獨媒》在賽後問南華體育會主席盧潤森，南華何時重返港超聯。盧潤森表示持開放態度，但就需要視乎球市發展：「我覺得呢個根本唔係問題，係我哋願唔願意返去。如果南華稍為做得稍為好啲，返港超完全唔成問題，足總、其他球圈朋友都好支持，問題係我哋究竟值唔值得咁樣嘅投放。」
盧潤森
南華在2016/17年球季後，從港超聯自降甲組，外界一直關注該間百年老店，何時重返本地頂級聯賽。被問到升班，盧潤森先強調，南華未有接受政府任何資助，僅場地由馬會資助重建：「全部都係自給自足，資源靠自己努力搵返嚟。我希望如果搵多啲錢，就可以支持足球，或者大家鍾意嘅球類。」
中西區半場領先 大衛巴拿梅開二度
中西區是去屆雙料冠軍，惟球隊今季失落甲組聯賽冠軍。該支區隊今場沿用強陣，多名前港超兵都正選登場，包括守門員李康廉、安基斯、大衛巴拿、曾健晃、劉浩霖及陳嘉宝。
南華是今季甲組聯賽季軍，今場決賽是自降班甲組以來，首次晉身盃賽決賽。「少林寺」在四強淘汰九龍城殺入決賽，在季中轉投球隊的守門員鍾偉豪因十字韌帶受傷缺陣，改由葉俊桓把關，三名日本外援伊藤紘平、田坂卓也及原健太都在正選名單，前港隊U16隊長何直軒後防壓陣。
上半場兩隊互有攻勢，18分鐘，李康廉左路快放，劉浩霖接應傳直線，大衛巴拿力壓何直軒射近柱入網，中西區領先1：0。28分鐘，大衛巴拿操刀罰球，射地波直入，中西區輕鬆贏到2：0。
原健太表現搶鏡 完場前替「少林寺」追和
下半場換邊，南華加強施壓，戰至49分鐘，原健太右路罰球，歐文洛跳頂笠入，替南華追成1：2。原健太今場表演搶鏡，為中西區製造了不少麻煩。
在比賽末段，何直軒更一度串演前鋒。在補時階段，梁創業左路傳地波，原健太門前掃入，為「少林寺」追成2：2，該入球亦掀起了全場高潮。
兩隊在90分鐘踢成2：2，比賽進入互射十二碼階段。在第一輪互射十二碼，李瀚灝撲出郭霆謙的射門。然而，葉俊桓亦不輸蝕，許宏鋒的射門亦遭對方接實。在第五輪，伊藤紘平的射門遭李瀚灝救出，大衛巴拿則一射入網，中西區總比分6：5贏波。
南華名宿列陣 徐志道任足球部主任
作為擁有百年歷史的球隊，南華在賽前已成為焦點，過百名「擁南躉」入場支持，比賽期間就傳來久違的「SCAA」打氣聲。南華體育會主席盧潤森、義務秘書盧健生，及球隊名宿丘建威、陳志康及陳炳安等都有到場，盧潤森更即場向記者介紹，南華新任足球部主任徐志道，他是交通銀行香港分行總經理、香港中華出入口商會會董。
在比賽後，盧潤森接受傳媒訪問：「我好耐都無嚟睇波，喺電視睇嗰啲波全部都無氣氛。南華一出現，完全唔同嘅。點解呢？我哋啲球迷、廣大足球迷都無遺棄過南華。」
承諾加大足球部資源 盧潤森：今場令我有少少雄心
此外，盧潤森更即場表示，希望在其任職南華主席的四年任期內，加大對足球部投放資源：「呢隊球隊嘅表現，令我有少少雄心，俾南華喺足球界落多啲力，因為南華畢竟係全個中國第一隊球隊。我以前做班主，南華打港會，都七、八千人睇波，宜家一千人度啦。我希望香港球市搞好啲，大家投放多啲資源。」
盧潤森更反問，如果只有數百人入場，投資者是否願意作支持：「唔係淨係南華會嘅努力，係要全部足球界、運動界，甚至政府嘅支持搞好佢。近來又有啲負面新聞，希望呢啲好快過去。」他又笑言，「香港人淨係關住玩手機」，指南華原本亦希望發展電競中心，但因多個問題而暫時擱置：「宜家成班董事、主席都鍾意足球㗎，我自己雖然籃球出身，但你知我做過足總，南華足球部主任，徐生都好鍾意踢波㗎。」
除此之外，盧潤森更透露，在南華自降甲組聯賽後，便有不少人聯絡自己，但重申南華會不接受任何冠名贊助，短期內亦無意到內地參賽。
雷深如入場撐中西區 馮震霆：來季不考慮升班
中西區則有不少街坊入場，歌手雷深如亦有到場，她在觀眾席上使哨子打氣，並大叫「中西」。雷深如向《獨媒》提到，入場支持中西區及朋友沈耀揚：「我淨係支持中西區㗎咋，佢上年雙冠軍呀嘛！」本身是英超球隊利物浦支持者的雷深如，她表示希望日後有更多機會支持香港足球。
另外，足總技術總監莫寧同入場觀戰，他在賽後負責向兩隊球員頒獎 。中西區主教練馮震霆則表示，今場比賽氣氛很好，兩隊表演落力。然而，馮震霆表明，中西區在來季不考慮升班港超聯：「嗯，可能喺升上去職業，都要啲時間，來季唔考慮。」
記者：麥馬高、周頌謙