陳朗昇指如離開能保住記協：咁我無留嘅理由嘅

【獨媒報導】香港記者協會將於明日（6月22日）舉行會執委會換屆選舉，現任主席陳朗昇上月宣布因有「力量」要求，故不再競逐連任。陳朗昇昨日出席民主黨網台節目，指已盡最大努力保住記協，稱如果他離開記協可以令其有生存空間，「咁我無留嘅理由嘅」。

陳朗昇：已盡最大能力保住記協

香港記者協會主席、《Channel C》多媒體製作主任陳朗昇昨日（6月20日）出席前立法會議員劉慧卿主持的網台節目 「ChatDP with Emily Lau」，談論新聞自由、言論自由及記協的未來。

陳朗昇上月宣布不競爭連任，指獲「有份量人士」勸喻。他在節目中提到6月4日當日被警方警告「衝擊警方防線」一事，認為反映「大家對陳朗昇有好多背後睇法」，「會唔會我離開都會係對記協重新上路嘅好機會呢？」他期望離任主席一職後可為記協帶來「形象和想法」上改變。

記者在節目後問到其卸任感言，陳朗昇指「最後希望大家記得陳朗昇係曾經好努力為過記協去諗，咁我好努力希望個會繼續」、「我唔敢講話自己做得好啦，我只能夠話盡咗我嘅能力希望保住個會，保住大家即係乜都好啦，一個幫記者嘅組織可以喺到。」

他最後再道：「最緊要係我喺到幫到記協，我走都幫到記協，如果有啲人覺得好似其他組織咁，換咗個領導層，佢覺得就有個轉變，可以俾到記協一個生存空間，咁我無留嘅理由嘅。」

現任執委、《華爾街日報》記者鄭嘉如參選記協主席，陳朗昇指事前並不知情，他指原計劃如無人參選主席，便會交由會員商討記協前路。

記協會員近年人數低迷，維持約300多人，陳朗昇指主因為「某啲機構唔見咗」、記者轉行及移民等，目前外國記者佔會員比例不高，自由亞洲電台撤出及《華爾街日報》搬遷總部對記協影響不大，惟會影響本港聲譽。

保安局局長鄧炳強曾稱記協「無乜代表性」，《獨媒》問及記協在目前政治氛圍下如何發揮作用，陳朗昇指記協至今仍是代表最大多數前線記者的組織，「有冇認受性我覺得唔係一個人講，喺行家之間、喺市民之間，佢會覺得一個比較獨立、比較敢言嘅工會，代表記者機構會係邊個吖？我好有信心，如果行家問五個、十個、一百個，有人講第二個名嘅就乜都得。」

確認李敏妮已投訴

自稱資深傳媒人、網媒《透視報》主編李敏妮上月報名參選記協主席，其後因一名提名人無效被取消資格，事後李就指「事件或許會進入法律程序」。陳朗昇確認對方於選舉提名期結束約四天後正式向選舉委員會作出投訴，現正處理當中，惟暫未收到律師信。

對於李敏妮指控記協黑箱作業、操控選舉，陳朗昇指「做記者唔容易作出指控，指控通常都有啲真憑實據。」他認為對方的指控大多屬於陰謀論，建議對方可多參與記協活動或與他溝通。

有記者問到會否擔心記協被滲透和收編。陳朗昇指歷屆主席一直擔心被滲透，不過陳朗昇認為「無發生過」：「我覺得好簡單，佢根本覺得你記協就係唔聽話組織，佢點會願意加入你，佢如果覺得你太過分就一掌拍死你，咁就拍死你啦，唔洗加入你啦。」