港足代表赴英讀運動心理學 馮慶燁：盼回饋香港足球
【獨媒報導】效力應屆港超聯冠軍理文、港隊後衛馮慶燁日前宣布離隊及告別職業足球。馮慶燁接受《獨媒》訪問時候表示，將在9月離開香港，到英國修讀運動心理學，盼在學有所成後回饋香港足球，期間爭取在當地職業球隊「實戰」學以致用。至於日後的「去或留」，馮慶燁稱未有確切計劃，「只不過我今次想去做咗呢一件事先」。
馮慶燁周三在社交網站發文告別，並感謝理文兩年來的支持。馮慶燁現正在外地渡假，他接受《獨媒》訪問時提到，兩年前已有負笈海外的想法：「我諗重要嘅係我知道自己想要啲咩，我想追求自己嘅personal growth，呢樣嘢最重要。」
助港隊重返亞洲盃決賽周 兩年前已感需休息
現年31歲的馮慶燁，2008/09年球季在深水埗出道，被視為「堅家軍」成員之一，先後效力橫濱FC（香港）、飛馬、大埔及東方，其中在2018/19年球季隨李志堅一起贏得港超聯冠軍，並成為香港足球明星選舉最佳十一人；共為港隊上陣9次，對上一次比賽是2022年9月對緬甸的友誼賽。
足總圖片
馮慶燁曾代表港隊出戰東亞足球錦標賽、亞洲盃外圍賽，並且是作客印度其中兩場比賽的正選球員。他對《獨媒》表示，在前年亞洲盃外圍賽後已有感需要休息，考慮到仍有能力，遂在同年加盟理文：「疫情踢外圍賽好辛苦，又中咗COVID，好似斷絕同外界聯絡咁。我覺得自己精神狀態唔係真係太好，都想take 個break，但最尾理文都叫有個幾好嘅offer 俾我，我都考慮咗。」
澄清並非英國踢職業 冀在當地職業球隊「實戰」
在帖文中，馮慶燁以「#Newchallengesahead」作結。有網民就猜測，馮慶燁擬轉投英格蘭職業聯賽。他就向《獨媒》澄清，赴英後只計劃加盟非職業聯賽球會或校隊，文中所指的「新挑戰」是與運動心理學相關：「反而我會搵啲職業嘅球隊睇下有冇機會做placement，喺嗰度去學習，去睇吓人哋職業球隊啲psychologists 係點樣幫啲球員。」
職業足球員「轉行」，再進修成為運動心理學家，其實並不常見。馮慶燁坦言，一直對運動心理學感興趣：「如果有機會可以喺香港，做到呢樣嘢我會好開心。」然而，運動心理學目前在港並不普遍，馮慶燁指其在職業生涯亦從未接觸：「外國相對上普遍少少，有啲外援球員佢哋都會同自己嘅心理學家，每星期review 返場比賽、呢個禮拜嘅preparation，同最近嘅狀態。所以我對呢方面好有興趣，就想了解多啲呢個專業點樣可以幫到運動員。」
去或留未有確切計劃 透露曾獲安達臣勸留下來
傷患向來是球員的最大敵人，馮慶燁的左膝十字韌帶曾兩度撕裂，至今仍受一定程度困擾。他坦言傷患對球員是「少不免」，個人心態已有所改變：「我諗可能每個階段唔同咗，睇嘅嘢又會有唔同，以前可能會睇得著緊啲，但宜家就會睇開少少。」
被問到「去或留」，馮慶燁稱仍未有確切計劃，「只不過我今次想去做咗呢一件事先」。他不諱言，職業足球員「好難跳出個框框」，又透露港隊前主教練安達臣曾勸他留在香港：「佢好明白我嘅心態，佢知道我係一個好有計劃、好成熟嘅人。但同時間佢都覺得好可惜，佢覺得我呢個年紀，有呢個能力、呢個質素，應該繼續努力去拼搏，先再讀書。」
感謝老闆李文恩 馮慶燁：佢嘅支持好接近無條件
談到要告別職業足球，馮慶燁形容現時已是「好圓滿嘅結局」，指理文在港超聯奪冠已是很好的回報。對於今次一別，馮慶燁則指「一年之後嘅事好難講」：「但係問心，我覺得我會想留喺香港，嘗試喺香港做運動心理學呢件事。」
馮慶燁最後特別感謝理文會長李文恩，大讚其對香港足球的貢獻，包括球隊早前在將軍澳一個商場內落成的訓練中心：「呢個老闆不斷付出支持香港足球，佢嘅支持好接近無條件。雖然我都係加盟咗理文兩年，但係我感受到佢對一個團隊嘅支持，例如體能教練、physio、marketing，佢對成個team 都好support。希望理文嚟緊會越做越好，或者香港會有更多呢一類人支持香港足球。」