【港超聯】九龍城稱早有升超計劃 七月再交代詳情
【獨媒報導】晉峰與深水埗兩隊港超球隊接連申請自降甲組，加上香港U23完成「階段性任務」解散，令11支參賽球隊一度只餘下8隊，不過足總本周確認港甲駿英九龍城將會「升超」，來季將有9隊參賽。九龍城常務副主席麥融斌表示，「升超」並非「U-turn」，是經過詳細考慮，又指球隊由乙組開始已有升班計劃，將於七月中舉行記者會進一步交代組軍情況及發展方向。
上季港超聯球季於6月初曲終人散，不過晉峰及深水埗分別宣佈下季不再角逐港超聯，向足總申請降落港甲。香港U23亦在季前表示，已完成三年「階段性任務」，令港超聯11支球隊一口氣減至8隊。不過足總署任總幹事張炎有日前就確認應屆港甲冠軍駿英九龍城將會「升超」，港會及均業北區亦會繼續參賽，來季將有9隊參賽。
左起：副主席何迪夫、麥融斌
麥融斌：有機會都希望上超
九龍城常務副主席麥融斌在周五晚香港足總周五（28日）晚上的足總週年晚宴暨頒獎典禮上向傳媒解釋，從甲組升超並不是一個「U-turn」的決定，強調球隊早於乙組時有升班計劃：「係咪叫U-turn？咁又唔可以咁講，如果大家有跟開我哋九龍城，由乙組開始，經歷我哋升班甲組，再攞到甲組冠軍，其實好多野都係plan咗。」
他續指，「升班」的決定經過詳細考慮，現時正正有這樣的機會：「其實我哋每次都係話，我哋嘅計劃係包括有機會上到超都希望上超。」
資料圖片
七月開記者會再交代
駿英九龍城為應屆港甲冠軍，陣上有名前港超聯球員，包括許家樂、曾錦濤、廖憶誠、蕭嘉明及談樂軒等。麥融斌就表示，球隊仍在組軍中，將於七月中交代更多：「月中嘅時候就會有一個記者招待會，到時希望公布晒所有嘅詳情、組軍情況、以至成個方向、計劃，到時一一交代俾大家。」
張煒琪
張煒琪冧莊足球小姐
另外，效力傑志女子足球隊的張煒琪繼去年再次奪得香港足球小姐。她表示，自己無想過會得獎，心情緊張但隨心，感謝一眾投票的教練：「我自己心目中嘅候選人係陳詠詩同阿純（馬澤純），就算我同佢哋講『都話準備好台詞未啊，要上台講嘢』，因為我從來無諗過呢個獎」。
她續指，另一候選人陳詠詩比自己更值得奪得獎項：「喺我心目中，佢喺女足個地位係最高，因為從小到大都係佢睇住我，咁我哋一齊都踢波好多年，我會認為呢個獎係佢應該得到，咁始終佢係香港隊隊長，佢有一定實力同能力，咁所以我從來都無諗過。」
《獨媒》問到張煒琪接下來的個人目標，她指會先應付下月對印尼的友誼賽，希望與隊友能「踢一場好波」。她又提到去季聯賽較以往吃力：「今年會特別辛苦，因為其他組都比較實力平衡咗，大家個差距相當接近，例如九月份對車路士，今年比較吃力啲。」現年33歲的張煒琪更稱，近年體能開始下跌，預告自己可能會在一、兩年後退役，專注教練工作。
港足亞運隊獲體院資助 每人每月獲逾兩萬元
足總主席霍啟山在致辭時就帶來好消息，指U23香港足球代表隊去年在杭州亞運歷史性殺入四強，獲香港體育學院申納入「個別精英運動員資助」，運動員類別為精英乙+，每名港足亞運代表每月可額外獲得22,820港元資助，為期2年。