【獨媒報導】早前曾涉「小彤群抽會」煽動案被捕的李盈姿，今早在灣仔港鐵站內被警方帶走，之後獲放行。她晚上近7時現身銅鑼灣東角道，指今早警員以為她有禁制令在身，故將她帶走。她強調早前的禁足令並不包括灣仔，加上早已失效，對被無故帶上警車感到「好嬲好嬲」，並反問：「佢哋（警員）叫我低調，唔好俾人影，你咁樣拉我，點低調啫？」

法新社記者蘇昕琪今早在 Twitter 上發布多段影片，指李盈姿在灣仔港鐵站內被截停，隨後被兩度帶入港鐵控制室旁邊的房間；期間李曾向便衣警員解釋，出門只是想去游泳，但最終被警員帶上警車。被問到入夜後為何來到銅鑼灣，李盈姿表示：「七一梗係要嚟銅鑼灣，平時七一有得遊行，之前年年七一都嚟。」她續指沒有明確計劃，「企下㗎咋，同朋友傾下偈」。

IMG_2832

劉公子身穿黃花恤衫：訴求全在心中

至晚上七時半，富商「劉公子」劉定成亦現身銅鑼灣崇光百貨外。他身穿印有黃花圖案的恤衫，並手提印花圖案的手袋：「我嘅訴求全部喺我心內，我唔會講出嚟，亦都唔需要表達，盡在不言中呀嘛。」他又引用許冠傑《鐵塔凌雲》的歌詞指：「我哋有句說話係『此時此處此模樣』，大家明嘅就明，唔明就一世都唔明。」

被問到衣服上的圖案是否自己設計，他搖頭：「唔會自己設計一樣嘢，一陣間又話你觸犯到敏感嘅問題。」至於今晚有何活動，劉公子笑著反問「我哋可以做啲咩呢？除咗食嘢行街，可以做啲咩呢？」

他提到今天來銅鑼灣前吃了下午茶餐，但就沒有享用七一優惠，「我唔會去食『選擇性』嘅優惠，唔會為咗佢less 29%就食佢指定嘅嘢」。

IMG_2833

對於七一少了市民「出嚟」，劉公子坦言有感唏噓，但指「我唔會叫人出嚟，一陣又話煽動」。他坦言自己則沒有擔心：「怕咩？驚SOGO冧落嚟？」他說最擔心的只是自己「對未來無得放長雙眼」。

劉公子提到，明早繼續初選47人案求情，自己亦會排隊旁聽，指現時靜靜支持是唯一可做的事：「人性全部都反映晒出嚟喺呢件事，大家都睇到咩環境，我哋都拭目以待。」他又為下周五（12日）60歲生日的戴耀廷送上祝福，「生辰快樂，萬事豁出去」。