（獨媒報導）房屋局局長何永賢昨日出席論壇時談到青年輪候公屋，指「計分制真係唔鼓勵，咁年青就去排公屋」。她稱現時平均47至52歲間才可獲派「上樓」，「我哋會喺45、46歲呢段加一啲分」：「你咁早去排公屋，然後成日就顧住嗰個資產、入息限額，阻礙咗自己個人生發展。我常常形容，呢個真係扭曲咗自己嘅人生。」她希望能改變該觀念，盼望年輕人的眼光能夠置業向上流動。

何永賢昨日出席星島新聞集團的論壇，重申現時公屋計分制，不鼓勵」咁年青就去排公屋」：「好多時聽到話排咗公屋20幾年，咁其實訪問個人都係50幾歲，減20幾年，咪即係30歲走去排公屋？」她表示，明白過往居屋的供應較少，現屆政府已致力增加土地供應包括居屋，希望年輕人能向資助出售房屋的方向作規劃。

目前共有82萬戶公屋 逾200萬人居住

談到本港現時不同的置業階梯，何永賢如數家珍指目前共有82萬戶公屋，逾200萬人居住，歷年興建27萬個居屋單位，租置計劃單位則有15萬個，共126萬個單位。

談到近日公屋加租，何永賢再次提到，即使每戶給予230元當局：「其實嗰個數字，一個月都係講緊21億啦，80幾萬戶係好大。」她認為公屋租金有需要作調整：「因為住咗喺我公屋嘅居民，維修、保養，照顧佢哋嘅安全，可能好多嘅斜坡，好多嘅樹木，要做好管理，我都真係要支出，我都真係有責任將財委會嘅財政，留咗喺一個健康穩健發展嘅狀態。」

何永賢：當房屋供應充足便有「底子」面對「痛點」

至於現屆政府推展的簡約公屋，首批申請4,400個單位早前接受申請，最快明年第一季入伙。何永賢同時透露，直至昨日已共收到9,000個申請。在私人市場方面，每年平均落成兩維持1.9萬個單位，未來三至四年估計共有11.2萬個供應，中小型單位佔86%。

此外，何永賢表示，當局未來10年供應房屋需要的土地已到手，目前便要提速、提效及提量建造公屋、簡約公屋，指當供應充足的時候，便有「底子」面對港人的「痛點」，即劏房問題。

何永賢慨嘆在香港這個發達的城市，仍有20萬人居住在不適切的居所，指當局正進行調查研究，找出10萬個劏房單位的惡劣情況。她表示，政府以公屋、簡約公屋及過渡性房屋直視劏房問題，未來將立法淘汰惡劣劏房：「作為香港人，真係唔想見到啲咁樣嘅環境，喺報章、世界各地人士⋯⋯喺香港點解仲有咁大班人住惡劣嘅環境。」

近日追看《繁花》 稱看到香港的生命力

現時公屋平均輪候時間為5.7年，當局期望在2026/27年度回落至4.5年。何永賢就提到，當局十分鼓勵年青家庭購買資助房屋，去年《施政報告》便提出「家有初生優先配屋計劃」，有嬰兒出身家庭可以優先購買居屋及縮短公屋輪候一年。

在論壇尾聲，何永賢特別提到，近日正追看王家衛監製的內地電視劇《繁花》，形容劇中背景雖然是上海，但人物都很有活力、拼搏力及生存力：「我睇到香港嘅生命力喺嗰度，我相信我哋嘅市場，我哋香港人仍然係咁有生命力，咁有拼搏力，為香港人建立有一個安居嘅家。」

版權: 
禁止衍生