【港超聯】大埔獲伊高沙托尼減薪「回家」 李志堅：爭取穩步上揚、區內覓地建足球基地

【獨媒報導】新一季港超聯下月開鑼，去季贏得亞軍的大埔今季目標更上一層樓，獲前香港足球先生伊高沙托尼減薪「回家」加盟。談到今季目標，主教練兼總監李志堅稱希望能夠穩步上揚，「挑戰梗要挑戰」、「at least 保持到前面」，並透露球隊已在區內覓得兩塊土地興建足球基地，目前正向部門申請。他形容，興建足球基地是十分渴求的事，對大埔、香港足球都是好事：「試想吓好多球會都咁樣做，大家就好好啦。」

葉吳彬彬

大埔今季班費達八位數，今午舉行征戰新一季港超聯啟動禮，啟動禮在西貢一間五星級酒店舉行。「綠戰士」今季口號為「Link Our Community 聯繫社區」，大埔足球會會長葉吳彬彬表示，除了繼續為球隊爭取更好成績，亦會推動參與更多連結社區，及關愛隊工作。

伊高沙托尼回歸 李志堅指一直與對方有聯絡

在啟動禮中，伊高沙托尼宣布正式回歸大埔，該支地區球隊同時獲得韋法頓、林樂賢、尼高拉斯、李樂謙、戴廷匡、彭靖揚、宋紱毅、杜國榆及宏愷志等加盟，巴西外援謝臣會兼任助教；前傑志體能教練吳詠琮、前香港U23守門員教練陳振宇亦會加入球隊。另外，大埔已與每名球員簽下兩年合約，希望能做到穩定長遠發展。

李志堅今季兼任大埔總監，他身穿西裝出席啟動禮。談到伊高沙托尼早前與傑志解約，最終重返其懷抱，李志堅稱一直與對方保持聯絡，但指該名巴西外援薪酬較高，原本不是大埔的考慮範圍：「最後可能佢踢得唔開心啦，嗰個情況先會出現。老實講，正常情況下，我哋都唔會搵到佢返嚟。當然，呢個都係佢自己嘅選擇。」

記者追問李志堅，伊高沙托尼今次是否減薪「回家」、以友情價重返大埔。李志堅就指「唔好講呢啲啦」：「所有行業都有高高低低嘅時候，搵個新環境，咁樣睇好啲。」

伊高沙托尼則表示，與傑志仍有半年合約，原本亦可以選擇繼續留隊，但最後決定解約：「上季過得好困難，自從朱志光離開之後，教練團有不少改變，球隊嘅情況經歷咗上季之後已經唔同晒，所以離開傑志係最好。」

補強後「係時候」贏聯賽冠軍？ 李志堅：人哋都有㗎嘛

被問到簽入伊高沙托尼是否「係時候」贏聯賽冠軍，李志堅稱深信是「補強咗」、「以我認識嘅伊高」，但認為入籍兵或會轉投中下游球隊的情況下，港超聯會更緊湊：「但係人哋都有㗎嘛，你見到其他前列球隊。上年11隊今年9隊，成件事壓縮咗，本地球員相對平均咗。你見到好多球隊都將啲年紀大少少入籍兵擺咗出嚟，去咗邊呢？你可以諗到。我會覺得成個氣氛就係，頭嗰幾隊，可能唔係搵呢啲球員，係搵年輕球員，喺外援球員補強。」

談到今季兼任總監，李志堅自言發展地區、青訓工作是細水長流，今次是真正發展地區及青訓系統，個人亦享受相關工作。他大讚大埔領導層有決心、有誠意，今季是嘗試再踏前一步。

葉志雄

兼任總監推動地區青訓 李志堅指是「老本行」

大埔已在區內物色了兩塊土地，包括興建七人球場，但目前未有時間表。李志堅形容是大工程：「呢啲嘢真係要明白，喺香港你要搞呢啲，唔係話你肯出錢就得，要經好多人去批。」他自言推動青訓是「老本行」，將積極及更緊密落實地區青訓工作：「自己都好多年無做返青訓，但我希望再開始。」

此外，大埔領隊葉志雄補充指，兩幅土地分別為3至4萬呎及5,000呎，如成功獲批土地，將會設立足球訓練場，包括舉辦活動、健身室，並與外國足球品牌合作設立足球學校。

盼當局開綠燈批地 葉志雄：新方式令外界關注足球

不過，兩幅土地均只足以興建七人球場，葉志雄承認有點可惜，但已全力為大埔爭取更多空間發展足球。他希望當局能開綠燈，讓有心人繼續推動香港足球發展，「我哋都唔係用嚟賺錢啦」。

大埔去季曾推出微電影《綠茵風華》，葉志雄表示，希望透過更多新方式、軟性方法令外界關注足球，並預告將推出足球漫畫，「淨係好似以前好傳統咁搞，根本行唔通」。

葉志雄最後笑言，現時投資香港足球必然蝕錢：「講得難聽啲，如果你老豆會同你講嘅話呢，乜都可以搞，千祈可以搞足球，掟錢落鹹水海，呢個你無可能賺得到。」他重申，只能透過更多新傳統方式作推廣，才能吸引更多投資者。

記者：麥馬高、周頌謙